Nei, det er ikkje det store bygget som heiter Suomenlinna, det kjem om litt. Men altså, sjekk ut Helsingin tuomiokirkko (Helsinki domkirke). Kyrkja er eit av dei mest kjente landemerka i Finland, og er bygd mellom 1830 og 1852 til tsar Nikolai I. Arkitekturen er nyklassisistisk, eit storslått bygg midt i byen. Nesten litt pompøst. For å spare føtene våre innimellom (det blei nærmare tjue tusen skritt den fyrste dagen i byen), prøvde me ut trikketilbodet. Ein koseleg måte å sjå byen på.
Med same billett som me brukte på trikken, tok me båt ut til Suomenlinna (Sveaborg er kanskje lettare for oss å uttale). Suomenlinna er eit av verdas største kystfort og ligg på fleire øyer rett utanfor Helsinki. Kystfortet blei påbyrja i 1748 og er no på UNESCOs verdsarvliste. Ingen stor plan anna enn å gå rundt og utforske fortet, landskapet, titte innom nokre av butikkane og ete ein is i sola. Og fleire små gjæser, så søte der dei plaska rundt i dammen. Vel tilbake til studioleilegheita, blei det middag og sidan dambadstue og boblebad. Kan ikkje klage på ein slik kveld.
Legg igjen ein fin tanke