Kinobesøk og kjolekrise

Kinotur også denne veka. Trur ikkje filmen treng ein introduksjon, men eg vil berre seie at Oppenheimer er verd dei tre timane på kino – Cillian Murphy og Robert Downey jr. gjer sine livs roller! I går var me i ein triveleg bryllaupsfest for eit venepar som gifta seg tidleg i år. Eg hadde funne fram ein ny kjole i ein herleg grønfarge. Så klart sat plutseleg kjolen fast i sykkelkjeda og det blei ein superstygg rivne i kjolen. Ordentleg kjolekrise med andre ord! Drog heim lei og forbanna, men klarte å fikse den sånn nokonlunde med nål, tråd og vliselin, dimed blei det bryllaupsfest på meg i den same kjolen likevel. Ser gjennom og sorterer bilete frå togturen vår, held meg opddatert på finn.no, les mykje og ryddar litt i heimen. Ser det blei nok å dele på lista også denne sundagen:

 

✦ kjekt å lese Det ender med døden, månadens Christie-bok 

✦ ei lita bokbu ikkje så langt unna oss 

✦ må le litt av Staged, Michael Sheen og David Tennant er dei aller kulaste 

✦ at Jesus Christ Superstar blir nemnt og høyrt i ein The Marvelous Mrs. Maisel-episode

✦ har du ikkje gjort enno, må du gå og å sjå Oppenheimer på kino

✦ alle dei flotte tapetmønstera inne hos Et katteliv

✦ endå ei sommarbok av Mandy Baggot: Summer by the Lake

✦ mykje bra å hente på REKO-ringen

✦ tihi, kulaste Zalo som syntest det var ganske okei å få smake på maten vår om morgonane 

✦ "Top 10 Most Underrated Songs from Popular Musicals" – fordi "Will I?" frå besteste Rent

✦ lese Sommer i mørket av Aasne Linnestå

✦ både han fine og eg har rydda klesskapet i helga

✦ så blått, så blått bak dei kvite himmeldottane

✦ superartig at både tuba og trombone blei nemnt i ein og same QI-episode

✦ dette er kunst: Brianna sine snittmåleri (fore edge painting) – rett og slett bokmagi!

✦ elskar komboen limegrøn kjole og kongeblå sko!

✦ strikke vidare på Sensommer T-skjorta med den kule, melerte fargen

✦ bjørnen Paddington er så skjønn, og det var artig å endeleg sjå filmen (så klart med engelsk tale)

✦ feire to finingar som gifta seg tidlegare i år med ein kjekk fest på Ågesentunet 

✦ fortsetje å sjå sesong to av Good Omens, og denne romantiske klippinga frå sesong er supersøt

✦ brudeslør på borda i lokalet der bryllaupsfesten var

✦ sitje litt ute på balkongen ein dag då sola innimellom stakk fram, drikke kaffi og lese ei bra bok