Evig natt, men også soloppgang

Seig slutt på veka. Begge to har vore i ordentleg sundagsmodus i dag og ting har gått litt treigt. Om ikkje anna gjekk me tur i ein times tid, må jo nytte sjansen når sola fyrst er framme. I går flaut me i ein flytetank, og det gjorde godt å kjenne på senka skuldre etterpå. Det går nemleg fort for seg på jobb når me no er i gong med å sende ut haustlauk, det blir nesten som ein høgsesong nummer to. Heldigvis er me ein god gjeng som hjelper kvarandre når det er travelt. Og så må eg le litt av meg sjølv, for som vanleg er eg i gong med litt for mange bøker, tihi! Ei av dei eg nyleg las ut, var Kvinner som går av Hilde K. Kvalvaag, ei bok der det eg likte best, var alle dei fine plassane hovudpersonane besøkte. Så klart må eg også nemne ei av favorittbøkene mine som også var sjølvaste krimdronninga sin favoritt. Kva anna har denne veka innehalde? Det kan du sjå i punkta rett under:

✦ Christies eigen favoritt var Evig natt, ei bok eg les med glede om og om igjen, for så bra er den

✦ magisk soloppgang ved jobb ein av morgonane

✦ fleire gode lesestunder

✦  Miranda er ute med ny bok, The Cozy Commonplace Book, og her er litt frå utgjevingdagen

✦ lesing på bussen i soloppgang

✦ fargerik frukt som låg på lunsjrommet

✦ tihi, for ein tolmodig hund som lar den lille pusen bølle litt rundt han

✦ fortsetje å lese med Leseklubben

✦ finne ut at to favorittseriar snart er tilbake på skjermen

✦ småhumra for meg sjølv då eg las boka How to Age Disgracefully av Clare Pooley

✦ "Nå har kapteinen mønstret av" – rørande kommentar om kong Haralds tid ved roret

✦ blå hortensia

✦ spele ordversjonen av "Bezzerwizzer" etter laurdagstaco

✦ latterkrampe då me såg ein julespesial av Kongen befaler

✦ om Aragorn, maskulinitet og om at me treng menn som viser tårer og kan vere sårbare

✦ mykje bra å finne på Skjæveland gardsutsalg

✦ gå ein passe sundagstur langs Hafrsfjord

✦ alltid avslappande å flyte i ein flytetank hos Jæren flytesenter

✦ og gjett om eg blei rørt då Åge og Tuva song "Jørgen hattemaker" i kongens gravferd

✦ som ein blomebukett på Ullandhaug

✦ høyre "He Ain't Heavy – He's My Brother" på radioen ein morgon

✦ skuggespel på stoveveggen

✦ Lake District, heiene ved Haworth, Yorskhire Dales, bokbyen Hay-on-Wye

Kan ikkje klage

Dei der sundagane kjem alltid litt for fort, og no er me der igjen. Timane på jobb går litt i rykk og napp, for i det eine sekundet sit eg og har unnagjort alt eg skal medan eg i det neste har nye oppgåver i fanget som bør gjerast så snart eg kan. Men eg klagar ikkje, det er kjekt å lære nye ting og kjenne at ein får gjort noko når ein er på kontoret. Eg fortset å kjenne ordentleg leseglede med dei bøkene eg er i gong med no, og det er fint å komme heim og slappe av med å lese nokre sider i både den eine og andre boka. Heilt greitt å ikkje ha nokre planar i helga, berre ta det som det passa seg:

✦ sundagskjensla med scones, marmelade, kaffi latte og vekas Dag og Tid

✦ Jessica Redlands bøker frå Lake District er ordentleg feelgood

✦ skarp og gyllen morgonsol sett gjennom bussvindauget

✦ heimelaga pizza med heimelaga pizzasaus (tomatar frå hagen) 

✦ gleder meg stort til å sjå Les Misérables på Folketeateret om ein månads tid

✦ sjå siste del av Ringenes herre: Atter en konge – det må vere ein av dei aller beste filmane!

✦ titte opp og nyte ein magisk morgonhimmel

✦ naboens rosa dahlia

✦ også i år las eg ein haug med sommarbøker, til dømes Under a Summer Skye av Sue Moorcroft

✦ å komme i gong med Prosessen av Franz Kafka som er neste bok ut i Leseklubben

✦ kornblomane frå hagen i to små vasar

✦ Mummipostkasse

✦ busslesing som blir litt ekstra fin når sola skin inn

✦ hi, hi, søte Olive og hennar favoritteppe

✦ overraske ei god veninne med Morgenlevering

✦ ein favorittkopp på kontoret medan eg jobba med ordrestadfestingar

✦ dus morgonhimmel medan me at frukost

✦ omvising og afternoon tea i Mirandas nye heim

✦ gå ein liten sundagstur med min betre halvdel

✦ artig å hauste inn potetar frå pallekarmen ute i hagen

✦ lese ute på årets siste sommardag

✦ alltid fint å lese bøker om bøker, og The Memory Library av Kate Storey er ei hjartevarm historie

Sørgmodig fredag

Eg er nok ikkje aleine om å kjenne at dette har vore ei annleisveke. Å sitje på kontoret og få med meg nyheita om at kong Harald hadde gått bort fredagsmorgon gjorde noko med energien og humøret. Med kjenslene mine ganske langt framme, har eg felt nokre tårer, det skal eg ærleg innrømme. Generelt var produktiviteten eit hakk betre enn førre veke, men fredag blei altså litt rar. Det som har vore fint desse dagane er sola som har titta fram på himmelen i vekedagane, me spelte med orkesteret på tysdag for fyrste gong etter sommarferien og rett etter jobb på fredag, køyrde me av garde til Byrkjedalstunet. Me hadde eit gåvekort på overnatting der, og me fekk ein avslappa kveld og ein bra dag i går med lysstøyperiet og butikken der. Husarbeid, minispasertur og mykje lesing i dag, eg klagar ikkje på ein slik slutt på ei litt rar veke, og meir om den kjem no snart:

✦ liten is og lesing ute i hagen i lag med min betre halvdel

✦ Elizabeth Strout kan det med å skrive, og eg likte godt hennar nyaste bok Det vi aldri sier

✦ klagar ikkje på pizza til lunsj etter eit lengre infomøte saman med alle kollegaane mine

✦  blir aldri lei av å høyre "The Last Goodbye" med Billy Boyd (og den passar kanskje ekstra godt no)

✦ verkeleg kjenne leseglede

✦ sterk lesing frå Orknøyene: The Outrun av Amy Liptrot

✦ altså, kveldslyset no om dagane, mellom anna på kjøleskapet

✦ gleda i å lese den same boka om igjen

✦ kontrastane mellom steingjerdet, det grøne graset og lyset på himmelen på Ullandhaug

✦ marineblått blondeskjørt og vinraud strømpebukse

✦ sjå ferdig Astaire- og Rogers-filmen The Story of Vernon and Irene Castle

✦ Marie Takvams Dansaren frå 1975 var friskare i både språket og tematikken enn det eg forventa

✦ søtaste Olive blei nyleg to år, og her er historia om korleis ho blei ven med Pudding og Onyx

✦ nabolagshagen ved jernaldergarden

✦ høyre på lydbok medan eg skreiv inn tal på tal i Excel

✦ magisk morgonsol

✦ å kunne gå i singlet og ein tynn cardigan i slutten av august

✦ "Da kongen "trollet" dronningen" – å, kong Haralds herlege humor!

✦ alle dei flotte og fargerike lysa inne på lysstøyperiet på Byrkjedalstunet

✦ nytt prosjekt med orkesteret

✦ på vegen heim i går, stakk me innom fine Dirdalstraen gardsutsalg

✦ kosekrimboka Mordene på Yorkshire Moors av Helen Cox, gøy når eg kjenner igjen plassane

Planetar i musikalsk forstand

Innrømmer at det ikkje er berre berre å komme ordentleg i gong etter sommarferien. Eg er jo eit vanemenneske, og når ting og tang plutseleg er litt ute av rytme, tar det innimellom lengre tid før det fell på plass. I løpet av hausten kjem eg til å få nokre nye arbeidsoppgåver på jobb, noko eg trur blir bra, men det vil nok ta ei lita stund før eg har fått taket på alt det nye. Og jepp, eg trur i tillegg at hovudet mitt framleis er litt i feriemodus. Ha, ha, det er vel eit ganske kjent fenomen ;) Om ikkje anna har eg klart å lese ein god del, prøvd å senke skuldrene, høyrt ein fortreffeleg orkesterkonsert, og helga synest eg blei akkura passe sosial med spelekveld, gåtur og familiemiddag:

✦ fint og vemodig å lese bok nr. seks av Heartstopper, Oseman har skrive ei bra avslutning

✦ rart at det i dag er eitt år og ein dag sidan me kjøpte bustaden vår 

✦ likte godt novellesamlinga New York-fortellinger av Amor Towles

✦ stor stas å høyre Gustav Holsts verk Planetene med Stavanger symfoniorkester 

✦ viss du berre skal høyre ein av satsane: her får du "Jupiter"

✦ enkel laurdagstaco

✦ og sidan spele "Ticket to Ride" hos eit venepar i går kveld

✦ alltid busslesing

✦ besøk av ein ekte kontorhund også denne veka

✦ viss me nokon gong er i Edinburgh, må me berre besøke denne herlege sauebutikken

✦ sundagsmiddag med dessert heime på Sola

✦ to blidfisar i finstasen i konserthuset

✦ kanskje eg må lese denne boka: The Art of Reading

✦ morgonsola då eg venta på bussen ein av dagane

✦ spele eit par tonar på trombonen i dag, for på tysdag er med i gong med ein ny orkestersesong

✦ gøy å ete plomme og tomatar frå hagen i lunsjpausen

✦ det er ikkje enkelt å tørke støv når Olive vil vere med og hjelpe

✦ lese i hagen (sjølv om det berre var ein ettermiddag)

✦ skuggespel på kontorveggen

✦ kontrasten mellom den mjuke himmelen og den røffe graffitien

✦ akkurat passe sundagstur rundt Stokkalandsvatnet (og der er det også planetar)

✦ klagar ikkje på ei sommarbok, kaffi og noko attåt

I gong etter ein finfin sommarferie

Eigentleg heilt greitt å vere tilbake på jobb. Så klart, det er alltid litt tungt å måtte stå opp tidlegare om morgonen, særskilt etter sommarferien. Men det var koseleg å sjå kollegaane mine igjen og heldigvis tok det ikkje lang tid før eg hadde komme meg i gong med arbeidsoppgåvene mine. Kjekke kundar og eit lite hundebesøk løfta dagane litt ekstra. Og så hadde eg fri på måndag og hadde dimed ei litt kortare arbeidsveke. Her heime har me fortsett med å ha lesestunder i lag, og sjølv om dei ikkje blir så lange når begge har vore på jobb, er det likevel nok til å få senka skuldre. No i helga hadde me få planar, har gjort litt hus- og hagearbeid, ein liten tur og ein dæsj med lesing:

✦  likte godt å lese Christie-boka Gammel dame forsvinner
✦  lesing i hagen vil alltid vere noko eg set stor pris på

✦  kjempeflotte dahlia hos naboen

✦  Mandy Baggots bøker frå Korfu, som Summer Ever After, er garantert å gi sommarkjensle

✦  lesekrokinspirasjon i fleng

✦  hundebesøk på kontoret

✦  byrje å sjå Astaire- og Rogers-filmen The Story of Vernon and Irene Castle

✦  gå ein tur etter jobb på fredag i lag med ei god veninne

✦  og sundagstur med fugleliv
✦  altså, hallo, Olive var så himla søt då ho var lita!

✦  tre superkjekke kundar på ein og same dag

✦  bøker om bøker: Dagene i Morisaki bokhandel av Satoshi Yagisawa

✦  grønsaker frå plantekassene på jobb

✦ "Top 10 Opening Songs in Movie Musicals" – m.a. The Sound of Music og Jesus Christ Superstar

✦  laurdagspizza, film og strikkeprosjekt

✦  to fine og søte kort som eg kjøpte på interrailturen, har no fått plass på kontoret

✦  skyene på himmelen ein av morgonane

✦  handle på den økologiske gardsbutikken på Ullandhaug

✦  herleg video og intervju med skodespelarane Matthew Rhys og Keri Russell

✦  treffe kollegaane mine igjen etter ferien

✦  skuggespel på den eine veggen i stova

✦  regnboge og solnedgang på ei og same tid

✦  heimekafé etter sundagstur må vere noko av det aller beste, så klart med ei bok og lokale cookies

Båt og tog, sidan heime

Kjenner det er litt rart å skrive ei sundagsliste igjen etter nokre veker på tur. Me har opplevd så mykje, der mellom anna Paddington-musikalen og tur i Peak District står igjen som to av høgdepunkta (noko som ikkje var høgdepunkt: me blei nesten to timar forseinka på togturen frå Oslo til Stavanger på tysdag). Likevel er det den siste veka eg skal prøve å oppsummere, så får tekst og bilete frå ferien komme litt etter litt (akkurat som vanleg med andre ord). I år valde me å vere litt kortare på tur slik at me kunne få siste del av ferien heime. Pakke ut, rydde, vaske klede, senke skuldrene og berre lese i kvar vår bok. Vêret her desse dagane har ikkje vore det heilt store, så hagelesing har det ikkje blitt. Men me var ute og gjekk langs ei fin strand i går, og i dag åt me middag heime på Sola saman med familien. Og Zalo, tihi. Her er resten frå både toget og heime:

✦  nyaste boka til Lars Saabye Christensen, Kjøkken, er ei god bok full av 70-talets fargekolorittar

✦  dufta av heimebakt brød

✦  tøff og viktig bok: Vi var de håpefulle av Rebecca Makkai

✦  kaffi og vaffel på toget løfta den lange togturen i alle fall litt

✦  det er visst bokelskaranes dag i dag, og denne illustrasjonen av Ellie Hooi er berre supersøt!

✦  hente ein bokhaug på biblioteket og sidan byrje på ei av dei og drikke god kaffi

✦  tur langs Orrestranda

✦  gul og kul lampe på hotellet i Kiel

✦  trass laaang togtur, var det fint å etter kvart sjå det jærske landskapet ut togvindauget

✦  "Top 20 Movie Momenets That Changed History" - til dømes Fred Astaires "danse-i-taket"-scene

✦  lese på soldekket på båten

✦  hauste tomatar og agurk frå hagen

✦  stikke innom Hole gardsutsalg i går etter strandturen

✦  ha, ha, når folk skal uttale namnet til Hyacinth Bucket

✦  fleire gode lesestunder her heime, han fine og eg

✦  middag heime på Sola med familien og Zalo

✦  og me hadde pavlova til dessert og prøvde "UNO Liars"

✦  to søte hundar, begge to ganske så små

✦  framleis blomar i hagen vår

✦  sjå filmen Under kirsebærtrærne på Filmoteket (eg las jo boka, Sweet Bean Paste, tidlegare i år)

✦  laurdagstaco og fyrste halvdel av Ringenes Herre: Atter en konge

✦  kveldslyset etter øsande regn

✦  Mandy Baggots sommarbøker, her Truly, Madly, Greekly, kaffi og noko søtt attåt

Nangijala og Fantastica

Godt å få nyte sommarvêret til det fulle sjølv om eg har vore på jobb. Eg har kvar dag prøvd å komme meg heim litt halvtidleg slik at eg har tid til å vere i hagen. For lesing ein halvtime eller time i ein lun krok ute i vår eigen hage, det er noko som verkeleg gir meg ro og fred. Å kunne gå med kjole eller skjørt utan strømpebukse på jobb, då veit ein at det er sommar, tihi. På tysdag sat eg over tre timar i eit møte med to av kollegaane mine, og sjølv om det høyrest lenge ut, var det eit produktivt møte der me fordelte kontoroppgåver og diskuterte litt kva me treng i administrasjonen. To barnebokklassikarar der begge går føre seg i andre verder er å finne blant sundagslistepunkta:

✦ lese ut finaste Brødrene Løvehjerte i lag med NRKs Leseklubben

✦ sitje ute i hagen med bok, kaffi og ein lussekatt

✦ få kaffibesøk av kjentfolk og dei ei omvising i huset midt i veka

✦ utruleg kul a cappella-versjon av "Seventy Six Trombones" frå The Music Man

✦ fylle lesebrettet med forskjellige bøker

✦ laurdagspizza og nokre episodar av Kongen befaler

✦ humlene og agurkurten i hagen vår

✦ tihi, denne lille pusen som blir vaska av den mykje større hunden 

✦ dahliaane hos naboen når eg går til og frå bussen 

✦ klippe meg sommarkort 

✦ ete på Jordbærpikene tysdagsettermiddag 

✦ må le av KLM sin ro-video som kom leeenge før all VM-roinga ;)

✦ gå barfota i graset og ha på meg vintagekjole 

✦ seks noveller i Du var medvirkende, alle sentrerte rundt Albert og folka i hans liv

✦ kveldssola på eit av soveromma 

✦ Instagramkontoen passegammelt med så mykje stilig retrointeriør 

✦ skuggespel på jobb, inga overrasking at det planteskuggar det går i

✦ fargane inne på lunsjrommet

✦ høyre "I Know Him So Well" frå musikalen Chess på radioen ein av morgonane 

✦ ja, takk til meir litterær turisme 

✦ japanspirea, så rosa og fin på veg til jobb 

✦ sitje ute i lunsjen, drikke kaffi og plukke små gulrøter frå plantekassene 

✦ å endeleg lese klassikaren The Neverending Story av Michael Ende, neste ut er vel filmen

Endeleg sommarkjensle

Sola har titta fram heile dagen, sommarkjensla sit i heile kroppen. Eg kjenner eg er klar for ferie no, det skal eg innrømme. Heldigvis ikkje så lenge att no. På jobb er det også færre folk sidan ein del har ferie, og tempoet er generelt litt rolegare. Men for all del, det er nok å gjere, og så har det jo vore fotball-VM. For sjølv om eg ikkje er særskilt interessert, har det ikkje vore mogleg å la vere å få med seg korleis det har gått med det norske landslaget. Natt til måndag klarte eg ikkje å sovne sidan eg visste at dei skulle spele mot Brasil. Og sjølv om det ikkje gjekk heile vegen då dei spelte mot England i går, er det utruleg gøy at dei kom så langt. Verken i går eller i dag hadde me store planar, noko som eg trur me trong begge to. Fallera, denne helga er nesten over og det same gjeld veka:

 

✦ Agatha Christie skreiv også under pseudonymet Mary Westmacott, og eg las nyleg ei av bøkene

✦ lese Service of All the Dead, den fjerde Morse-boka (og biletet er frå Oxford i fjor) 

✦ kontrasten mellom den lyseblå himmelen og dei knallraude heisekranene

✦ Pudding er ein ordentleg artig pus, og sjå kor liten og "pluffete" han var den fyrste dagen heime 

✦ for ein fin hund som låg i sola ved vårt nærmaste kjøpesenter 

✦ endeleg sommar utan altfor mykje vind 

✦ og derfor kunne sitje ute i hagen og verkeleg nyte julikveldane 

✦ høgdepunkta frå VM-kampen mellom Noreg og Brasil 

✦ dra bort målingteipen på jobb og sjå kor rett målingsstreken blei 

✦ få auge på små, rosa blomar då me traska ein tur i Sørmarka

✦ morgonsola som laga skugge og ein gul kjole med blomemønster

✦ humleskilt i Sørmarka, blir glad av å sjå slik frå "kommunen og de" 

✦ ei liste med 12 litterære byar å besøke

✦ prøve å senke skuldrene no i helga med å ikkje ha så mykje på planen 

✦ busshaldeplasslesing 

✦ sommarfarge i ein blome på veg til jobb

✦ bra kronikk om det å ro ned, sett i lys av VM 

✦ prøve å lappe ei strømpebukse

✦ byrje å pakke til ferien 

✦ solstrålane som skin når eg står og ventar på bussen 

✦ sjå ferdig den fine franske filmen En fanfare (på engelsk The Marching Band) 

✦ ha på meg ein superfin, sommarleg topp som mamma strikka til meg til bursdagen min :) 

✦ skuggespel i sofakroken i dag tidleg 

✦ gøy å lese ut den tredje boka serien om bokhandelen ein kan låne for ei viss tid