Offisielt haust

Tredje september er snart over, sommaren er faktisk over. Veit ikkje om eg er klar for hausten, til mørkare dagar og kaldare vêr. Foreløpig er det meir sommar ute enn haust, så eg satsar på at me får nokre slike dagar også, dagar ein nesten kan kalle seinsommardagar. Ut på tur fleire gongar i løpet av veka, seinast i dag i lag med to veninner eg ikkje ser så ofte. Superkoseleg å gå rundt Mostvatnet, berre prate og sidan ta ein kaffi og noko attåt på kunstmuseet. På tysdag hadde me fyrste øving med orkesteret for sesongen. Det var gruppeøving og dimed ikkje fullt så lang eller intensiv øving, men greitt å vere i gong igjen. Me har også passa krøllebølle i helga (finaste Balto om det ikkje var tydeleg), høyrde på ein flott konsert i konserthuset på fredagskvelden og såg ein kjekk animasjonsfilm til laurdagstacoen i går. Fleire bra bøker på lista slik det ofte er om sundagane:

 

✦ Paolo Cognetti kan skrive: De åtte fjellene er ei favorittbok, og eg likte godt den nye Ulvens lykke

✦ landskapet i All Creatures Great and Small, eg saknar Yorkshire og områda der borte!

✦ fleire slike videoar med Crowley og Aziraphale, og denne er ganske så herleg

✦ å høyre "En Alpesymfoni" av Richard Strauss med Stavanger symfoniorkester

✦ gleder meg stort til å sjå Miss Saigon på Folketeateret om berre eit par veker!

✦ fann ikkje så mykje, men gøy å teste ut vintagekonseptet VinoKilo som var i byen på tysdag

✦ lese ferdig Meeting Millie av Clare Ashton, fyrste bok i Oxford-serien

✦ Griegs "I Dovregubbens hall" med ein enkel og morosam animasjon

✦ laurdagstaco og James and the Giant Peach, ein animasjonsfilm basert på Roald Dahls bok 

✦ lite sjølvknips med kunsten i konserthuset i bakgrunnen

✦ kakerestar på måndag etter afternoon tea

✦ ha, ha, denne lille her om irar som ikkje kan snakke irsk ;) 

✦ kanskje litt for søt, men likte likevel å lese Love Letters from Montmartre av Nicolas Barreau

✦ sundagstur rundt Mosvatnet med to gode veninner

✦ beundre keramikken me kjøpte hos Lugnet keramik på Åland

✦ kommentar om det å ta bilete av ulykker og liknande, veldig bra skrive

✦ ut på tur med Balto på lur

✦ lyset ute i skogen nokre av dagane 

✦ alltid heilt nydelege blomebukettar inne hos Et katteliv: april-, mai-, juni- og julibuketten!

✦ ete fleire vegetarmiddagar, faktisk heile fire denne veka

✦ kveldslesing ute på balkongen