Musikalhelg i Oslo, det er lett å plukke ut vekas høgdepunkt. Tenkjer eg skal skrive meir om musikalen etter kvart, men det kan eg seie: det var ei kjempestor oppleving! På fredag tok me toget ti på fem, og me var veldig seint framme på Langhus. No har me prøvd det også, men eg trur nok me liker best å reise tidlegare på dagen. Ein tur til biblioteket i løpet av veka blei det også, eg har nesten for mange bøker på ventelista for tida. Tysdagskveld var me i gong med heile orkesteret. Kanskje ikkje dei mest spennande notane for vår del, men satsar på at resultatet blir bra (me skal setje opp Czardasfyrstinnen i november). Litt regnvêr, ein liten gåtur og to dei dagane det har vore fint ute. Kom heim frå Oslo for eit par timar sidan, og no ventar vel senga. Fyrst gode bøker og litt anna:
✦ har likt dei andre bøkene av Emily Henry, men Mitt lykkested stal hjartet mitt litt ekstra
✦ spennande å lese bok nr. fem, Londonreglene, i spionserien frå Mick Herron
✦ ete knallgod middag ute på Zouq før orkesterøvinga tysdagskveld ✦ sesongpremieren av Eventyrlig oppussing på Rott utanfor Tananger med lemming og det heile
✦ kose oss med bakgrunnssnuttar frå Good Omens
✦ lesestund om morgonen med kaffikopp nr. to
✦ stikke innom Løvås bruktbu – der er det bøker frå golv til tak
✦ naturen og litt om deira nye galleri/butikk i ein ny vlog frå Jonna
✦ vassliljene i Vannassen
✦ blikkestille vatn overalt langs togruta på veg heim i dag
✦ vekas absolutte høgdepunkt: sjå Miss Saigon på Folketeateret
✦ helse på kattane heime hos svoger og familien
✦ og veldig koseleg å ha kvelden i går til å le og prate med svoger og svigerinne
✦ teste ut den nye fotokiosken på Folketeateret – var ikkje alle bileta som blei like bra, tihi ;)
✦ kjekt å gå litt rundt på Grünerløkka og stikke innom Løkkamarkedet før musikalen
✦ kaffi, noko attåt og lesing på toget medan landskapet fauk forbi
✦ Jón Kalman Stefánsson kan det der med å skrive, og Gul ubåt var ei eiga leseoppleving
Legg igjen ein fin tanke