Supersosial laudag og ein superroleg sundag

Ny sundagsliste, ikkje fullt så mange nye bilete å dele. Det har gått i eitt på jobben, og når eg etter å ha vore tidleg på'an har komme heim, har eg konka på sofaen. Morgonvakta altså, det er ikkje berre berre. Men stort sett har det vore greie timar på jobb, og eg har fått lese og strikka litt innmellom. I går blei det ein supersosial dag, noko som var både kjekt og uvant; er liksom framleis i "hald-avstand-bobla" og prøver å ikkje ha for mange nærkontaktar. Likevel håper eg på fleire slike dagar, sånn litt etter litt. Sidan det blei ein sosial dag i går, var det heilt greitt å ta det heilt piano i dag med lesing ute på balkongen. Okei, me har fått unnagjort ein del husarbeid i tillegg, men elles var det lesing og strikking på planen og berre det. Fri i morgon og tysdag før det er kveldsvakt på onsdag. Godt å vere tilbake i vanleg turnusskift igjen. Snart er det senga, aller fyrst vekas fine punkt:

✦ Christie-bøker, denne månaden Mot nullpunktet – for meg er ho Krimdronninga med stor K

✦ varierte tankar på ein torsdag inne hos finaste Ida

✦ kunde som skrytte av servicen då eg over telefonen hjelpte han med eit klippekort

✦ ikkje så kjekt å vakne til punktert sykkel, men det var veldig godt å bruke beina fatt på veg heim

✦ to korte, men gode videosnuttar om det å vere høgsensitiv: her og her

✦ ungar som langs jobbvegen song på "Danglebærsangen" (og latter då eg song litt med)

✦ prate ein times tid med ein god ven på Gamlingen i går

✦ illustrasjonane til Anna Speshilova

✦ Buøyturen i går der me gjekk på skogsstiar, over bruer, langs sjøen og var verkeleg på safari

✦ koseleg å stikke spontant innom ei veninne i går, for ho bur langs turløypa

✦ altså, kan det bli søtare når ein stor hund endar opp med å passe på ein bitteliten katt?!

✦ lese ute på balkongen med noko godt i glaset fredagskveld etter fyrste veka tilbake på jobb

✦ generelt lese ute fleire av dagane denne veka

✦ ei sakte helg i Dalarna, mange flotte bilete og kjekk inspirasjon inne hos Rania

✦ leenge sidan sist, men gøy å høyre ein episode av Coffee Break French

✦ krimboka Gjestelisten av Lucy Foley

✦ undulatane Wolfie og Sharkie, dei er både søte og veldig kule

✦ grille ute og feire bursdagen til ei barndomsveninne

✦ kule vimplar inne i bursdagslokalet og det var god (konkurranse)stemning då me hadde quiz 

✦ nye episodar av Grace and Frankie

✦ laurdagskaffi ute på Heddas, det var ei stund sidan eg hadde snakka med venane våre