Heimekoselege Nes Gard

Røros, Sjusjøen og Langhus dei siste dagane. Om ikkje lenge er det plutseleg tilbake til Stavanger igjen. Som i fjor har me hatt ein superbra bilferie, og me har fått med oss mykje utan å stresse. Eg tenkte å leggje ut eit innlegg her no frå overnattinga me hadde etter å ha vore i Fjærland. Jada, eg veit, eg har ikkje blogga om bokbyen enno, men den som ventar på noko godt og så vidare. Turen gjekk til Nes Gard og Lustrafjorden. Det er sjuande generasjon som no driv garden som tidlegare dreiv med husdyr og fruktproduksjon. Gardstunet frå omtrent 1830-talet er restaurert og blir drive som ein gjestgard. Me hadde ikkje før komme fram før det var på med badetøyet og ut på ein liten svømmetur i fjorden. Litt kaldt med det same, men etter kvart var det berre heilt herleg!

Rommet var i ein eldre stil, historisk og samstundes koseleg, akkurat slik me liker det. Hi, hi, eg ser av to kaféar og eit pensjonat at eldre stil er noko som kanskje er blitt meir vår greie enn heilt nymoderne hotellar og restaurantar. Utpå kvelden slappa me av rett utanfor rommet vårt med ei bok og noko godt i glaset. Og sjå den lille, koselege baren dei har laga til i eit av bygga!

 

Maten dei serverte oss, smakte heilt fortreffeleg – me hadde ingenting å utsetje på verken det eine eller det andre. Koseleg å ta oss god tid ved frukostbordet dagen etterpå, attpåtil drikke ein ekstra kopp og titte oss rundt, sjå på den gamle tapeten, bileta over peisen og alle dei andre detaljane. Finaste Nes Gard, her er det ein gammal og samstundes heimekoseleg atmosfære.