Kjentfolk, to fine kattar og mange timar i bil

Alltid litt rart å komme heim etter å ha vore borte ei stund. Nesten ei nostalgisk kjensle – sjølv om det berre har gått seksten dagar. Denne veka har det gått i eitt samstundes som me har slappa av, med andre ord litt av alt. Starta i Røros, køyrde til Sjusjøen, var der til onsdag, vidare til Langhus og no er me heime i Stavanger. Koseleg å treffe kjentfolk, både hans og min familie. Me har sett på kunst, kjøpt brukskunst, vore ute på båttur i lag med Langhus-gjengen, klappa dei to søte kattane Mika og Camilla, bada og det eine med det andre. Mange mil i bil (ha, ha, det rima!). No til veka tenkjer den største oppgåva er å lande etter "o store biltur". Slappe av med bok og strikking, skal ein tur til Bømlo for å sjå musikal og elles få store planar. Snart leggjetid, så nok prat:

✦ elsk på bøker om bøker, og trilogien om "The Paper & Hearts Society" har vore kjempekjekk

✦ besøke svogerfamilien på Langhus der me også fekk treffe dei to finaste kattane

✦ stepping i ein musikal, det ser så innmari artig ut

✦ finne ein museumskafé langs vegen i dag som hadde ei overraskande god buffet

✦ gjenbruk av brukbart avfall her i Stavanger

✦ solnedgangen over tretoppane på Sjusjøen

✦ båttur to gongar då me var på besøk hos dei på Langhus

✦ at me på gårsdagens båttur tok turen til Åsgårdstrand der me hadde utekaffi med tante og onkel

✦ hi, hi, herlege Bailey skjønner ingenting når den lille katten har tatt senga hans

✦ er du i Jevnaker-området, må du stikke innom skulpturparken Kistefos

✦ den tredje boka av Lyssa Kay Adams, Crazy Stupid Bromance, er full av varme og humor

✦ leggje turen innom Hadeland Glassverk og der ta ein "tur" i Monets hage

✦ stuparen Tom Daley, som nyleg vann OL-gull i synkronstup, strikkar og heklar så mykje tøft

✦ okei, å reise med Venice Simplon Orient Express er veldig dyrt, men det ser også veldig gøy ut

✦ og apropos musikal: gleder meg til å sjå Mamma Mia! i Oslo med ho eine niesa mi

✦ artig å køyre Birkebeinervegen då me skulle til Sjusjøen frå Røros

✦ spesiell og stilig keramikkunst inne hos Lysgaard keramikk i Røros

✦ tanta mi som overraska oss med at ho også var i hytta på Sjusjøen

✦ liten tur til Lillehammer der me var innom det kreative kollektive Fabrikken

✦ Beach Read var ei herleg sommarbok

✦ fint vêr og mange sauar då me køyrde Suleskarvegen i dag