Trur ikkje eg er den einaste som av og til kjenner at helga går litt for fort. Og denne helga var sånn, med strålande vêr, fjellro og fine folk oppe på hytta, kunne ha vore der endå eit par dagar. Starta jo veka på Sunnmøre, men det var berre så vidt sidan me brukte heile måndagen på å komme oss heim til Stavanger igjen. Kom heim tidleg tysdag (nattoget frå Oslo måndagskveld), og sidan har det gått i lesing, husarbeid, pakke ut, strikke og pakke igjen. Måtte jo pakke nokre ting, som klede og bøker, for ei lita helg på hytta. Å, eg har så mykje å blogge om (eg veit, eg skriv det nesten kav rgong, men eg meiner det), og eg veit nesten ikkje kor eg skal byrje. Eller jo, aller fyrst kjem ei ny sundagsliste:
✦ lese ut Christie-boka Mot ukjent mål, ei annleis krimbok, meir som ein spionroman
✦ og ein referanse til Agatha Christies bøker i den fyrste episoden i sesong seks av Grantchester
✦ balkonglesing fleire av dagane
✦ søtaste kalven med det søtaste rautet hos Knuckle Bump Farms
✦ SJ Norge som delte to av bileta mine på Instagram
✦ stilig golvteppe
✦ heilt enormt med klippestup frå operataket!
✦ blå vinterstrikk og lesebrettet foran meg medan me venta på eit av toga
✦ søt julepynt som me kjøpte i England
✦ grøn feriestrikk og nokre boksider innimellom
✦ "Norge står igjen på perrongen" – kronikk om dårleg informasjon angåande togtilbodet i Noreg
✦ som eg digga å lese Social Queue av Kay Kerr, gleder meg til å lese fleire bøker av Kerr
✦ Staying Out for the Summer, endå ei herleg sommarbok frå Korfu skriven av Mandy Baggot
✦ Alicia som i dette innlegget skriv om korleis det å brodere porselensdyr plutseleg blei eit prosjekt
✦ kaffi, kanelbolle og lesing om bord på toget
✦ å reise med Raumabanen også på veg heim – den ville og vakre norske naturen!
✦ draumehelg på hytta med utefrukost, quiz, lesing, strikking og bading
✦ slutten av boka The No-Show av Beth O'Leary, både fin og rørande samstundes
✦ solnedgang over Oslo, sett frå Oslo S då me venta på nattoget måndagskveld
Legg igjen ein fin tanke