Skulestart gir travle dagar på jobb: mange kjem innom og skal ha utstyr til eit nytt skuleår. Onsdagen var særskilt travel, i tillegg jobba eg i går, så det har gått i eitt. Min betre halvdel har byrja i ny jobb på ein vidaregåande skule, og også han har hatt dagar som berre har foke av garde. Om eit par veker er me også i gong igjen med orkesterspeling, difor har eg også fått unnagjort eit par økonomiske greier (eg sit jo som kasserar i styret). Før kveldsvaktene, har eg fått lese mykje, noko som gir meg både ro og glede. Bra kveld i går etter jobb, i dag ein roleg sundag. Prøver å lade batteria så godt eg kan etter ei slik jobbhelg. Lita oppsummering før kveldslesing:
✦ kose meg med å lese På fremmed jord, den sjette boka i Slough House-serien
✦ sjå Back to the Future og sidan spele "Ticket to Ride" i går kveld etter jobb og laurdagstaco
✦ meg i dag (minus katten): regn ute, kaffi og sundagshygge inne
✦ veldig gøy å lese 84, Charing Cross Road for andre gong (og med eit bilete frå nettopp den gata)
✦ prate med eit par kundar frå England om musikalar, Alton og Cambridge
✦ må berre dele eit bilete av kaktusane i Kew Gardens, den dagen kjem nok i fleire blogginnleg
✦ fekk strikka litt medan me såg film i går, og har elles lese mykje i dag
✦ "Top 10 Oscar-Winning Movies That Were Made In To Musicals" – for alltid Once
✦ Wynmouth frå The Secret Seaside Escape høyrest ut som ein finfin plass å vere om sommaren
✦ sukk, alle fargane i den botaniske hagen
✦ grønt er skjønt rundt Mosvatnet, herleg å sykle der på veg til og frå jobb
✦ Jim Broadbent i The Unlikely Pilgrimage of Harold Fry, ein hjartevarm rolleprestasjon
✦ hallo, sjekk ut den kule bokvasen me har fått inn til butikken!
✦ få skryt for god kundeservice
✦ lukta av heimebakt brød
✦ kvardagsglede i å sjå ein liten video eller to med den aller søtaste kattegjengen
✦ ta i bruk eit bruktfiunn den eine dagen på jobb
✦ heimelaga scones er alltid ein sikker vinnar
✦ endå ei bok frå Canada av Carley Fortune: Every Summer After
Legg igjen ein fin tanke