Musikalnytt midt i ei travel veke

Dagane denne veka har gått superfort, for nærmare åtte timar bak kassa i løpet av ein dag på Norli no når jula nærmar seg, det er travelt. Heldigvis er dei fleste kundane veldig hyggelege og det er kjekt å kunne hjelpe dei med å finne gode bokgåver til jul. Vel heime om kveldane har eg lese ein god del, skrive eit par julekort (har framleis nokre igjen å skrive, altså) og høyrt masse på julemusikk. På veg heim frå jobb på fredag, sat eg nesten å hoppa og grein i bussetet – av glede – på grunn av ein musikalnyheit. Den kan du lese om i lista under, tihi. Jobba i går, medan eg hadde fri i dag. Sundagskjensla med bok og kaffi, litt julekakebaking og strikking, akkurat passe andre sundag i advent. Skal avslutte her no, for før me sovnar, berre må eg lese eit par sider. Vekas liste kjem no:

 

✦ gøy å lese Hercule Poirot's Silent Night av Sophie Hannah

✦ snøroser på vindauget tidleg denne veka 

✦ nyaste boka (på norsk) frå Jojo Moyes, Toner i natten, var litt vel dramatisk, men også kjekk

✦ tuba, nissar og Tøflus i vindauget hos Byens Skomaker

✦ to kundar som skraut av nuperellesmykket mitt og ei anna som gav meg ein klem for god service

✦ Stavanger i blåtimen i desember med ordentleg koselege, lysande skilt

✦ alltid hygge med lesing på kafé 

✦ hallo, Bami og Dami er superskjønne også når dei søv

✦ spele "Bezzeerwizzer" etter pizza og laurdagsfilm

✦ så gøy å sjå klassikaren The Adventures of Robin Hood frå 1938 

✦ "Walking in the Air" med Aled Jones og Malakai Bayoh

✦ ååå, måndag med stripar av og sol inn i vår julepynta stove

✦ lange skuggar på ein vegg midt i sentrum

✦ juleboka One More Christmas at the Castle, ikkje min favoritt, men eg likte konseptet

✦ uansett kva tid på året, er det alltid koseleg å møte ein katt på tur 

✦ for alle musikalelskarar: Musikalfest med KORK

✦ og apropos musikalar: Scenekvelder skal setje opp Jesus Christ Superstar neste år!

✦ min nye Collett Sweater i ein heilt kul og knallsterk farge

✦ Maru er jo den "løgnaste" katten av dei alle

✦ skal ærleg innrømme at snøen lyser opp så fint, så fint 

✦ framleis nøgd med juleflaska med lys i, og dette julepynta bordet i gangen vår er akkurat passe :)