Gråvêret slo til då eg tok toget frå Stavanger til Oslo på fredag. Mykje vatn på markene, ein grå himmel og duse fargar. Likevel blei eg sitjande og sjå korleis det jærske landskapet rulla forbi.
Brun, gult, litt grønt, gylne fargar som trass regnet viste seg langs heile togruta. I løpet av timane på toget blei det mykje lesing – slik det nesten alltid er – og litt strikking. Går litt treigt med mitt nyaste strikkeprosjekt, men det er fyrst og fremst berre fordi eg prioriterer å lese mykje no for tida sidan eg har (altfor) mange bøker med venteliste som ligg i haugen min her heime. Regn på vindauget, vatn som renn ned eit fjell og strie straumar i elva, det var rett og slett ein dag i regnets namn.
Tåka kom sigande etter kvart som kvelden tok til, noko som skapte ei mystisk stemning. Inne i toget drakk eg kaffi og stirra ut. Trea i haustfargar som svisja forbi, så avslappande. Opplevde korleis tåka fekk solnedgangen til å bli heilt spesiell, eit rosaoransje lys over landskapet. Togtur frå vest til aust.
2 fine tankar - legg igjen noko fint du også
Åh. Sånne innlegg som det her. De gjør meg så glad i naturen i all slags lys og mørke. Så vakker tåke og solnedgang på det siste bildet!
For meg er slike togturar som balsam for sjela, og det lyset eg opplevde fredagskveld, var heilt magisk!
Legg igjen ein fin tanke