Krøllebøllepassarar ei heil helg 🐶

Balto, verdas finaste krøllebølle, var på besøk hos oss både i går og på laurdag. Tanta mi var i området for å halde eit kurs og trong nokon til å passe Balto. På laurdag var det kanonbra vêr, og min betre halvdel og eg gjekk ein god runde i Sørmarka i lag med krøllebølle. I går var veldig av og på med regnet, så då me skulle gå tur på Gausel i lag med broremann, fekk Balto på seg regntøy sidan det såg mørkt ut. Som du kanskje ser, skein plutseleg sola gjennom trea og regntøyet var eigentleg ikkje naudsynt. Men, men – det finst ikkje dårleg vêr, berre dårlege klede. Triveleg å vere nokre timar i lag og bli betre kjent med denne leikne, artige og søte mellompuddelen!