✦ likte godt renessansemarknad som plassen for søt musikk i Well Met
✦ Zalo har vore her denne helga også, og han har blant anna lese litt i lag med meg
✦ for eit nusseleg møte mellom Coco og fem skjønne andungar
✦ kryssord i lag med den finaste etter ein travel jobbdag
✦ å måle ei brakke på jobb, resultatet blei bra og det var fascinerande å blande målinga
✦ 75 år sidan frigjeringa, og å sjå fargebilete frå den tida er spesielt og veldig fint
✦ kaffi ute i jobbuniformen tidleg om morgonen
✦ så mykje fint og vårleg inne hos Et katteliv
✦ liten tur ute ved Kvernevik i dag der me såg helleristningar
✦ Nemo, endå ein skjønn og herleg liten dachshund
✦ stikke innom biblioteket – dei har så smått byrja å opne – og hente ein haug med bøker
✦ og eg stod ei stund og prata i lag med ein av dei tidlegare kollegaene mine, veldig koseleg
✦ høyre det fyrste kapittelet i den fyrste HP-boka bli lese høgt av Daniel Radcliffe
✦ Kristin Harmel si bok Der valmuene vokser er kanskje ikkje hennar beste, men bra nok likevel
✦ nydeleg morgonlys gjennom trea ved Mosvatnet på veg til jobben ein dag
✦ dei der søte geitekillingane på Sunflower farm
✦ stemorsblomar i eit drivhus på jobb – nok ein gong ;)
✦ sesongfinalen av Tause vitner, så intens, rørande og bra
✦ trur me må stikke innom denne glasbutikken i Aurland i sommar
✦ vite at organisert svømming kan starte 1. juni, og at me kan opne to veker etterpå
✦ lese lenge i kvar vår bok rett etter sundagsfrukosten
2 fine tankar - legg igjen noko fint du også
Atter en gang, takk for at du deler Silje. Du er så god ♥ Jeg er ordentlig misunnelig på deg som har muligheten til å kose deg i bugnende drivhus, kryssord sammen med sin kjære er bare SÅ koselig, og nå fikk jeg både lyst å høre opplesing av Harry Potter-boka og å se på Tause vitner ;) Og ikke minst, dere er superheldige som har det så vårlig og fint. Vi har hatt vannrett snø i et helt døgn nå. Godt vi ikke hadde skiftet vinterdekkene og pakket bort ullklærne enda :P Ønsker deg en kjempefin uke fine, gode du ♥
Småhumrar litt her eg sit, for i dag har eg gått i ulltøy frå topp til tå på jobb: det har hagla, snødd littegrann og generelt vore ein sur vind :P Heldigvis ikkje heile dagen, så det har gått greitt å vere ute. Tenkjer eg skal høyre kapittel to i dag, og kapittel tre er også ute! :D Og det er berre hyggeleg å dele vidare, du lager så fine innlegg på bloggen din, kvar gong ♥ Klemmar i fleng ♥
Legg igjen ein fin tanke