Slik kan det gå når ein bur i gåavstand frå to ganske store gjenbruksbutikkar. Ikkje lenge før eg reiste hit, tok eg ei opprydding i klesskapet og klarte å kvitte meg med ein liten haug med klede som eg gav til Fretex. Idéen var jo å ikkje kjøpe masse nytt, for eg har det meste eg treng. Men altså, når ein finn to kjolar, to T-skjortar og ein cardigan til omtrent 160 kr, då er det ikkje berre berre å gå forbi ;) Den kongeblå kjolen med frynsene er ermelaus og passar perfekt til ein litt varm sommardag. Må nok stryke den før eg kan ta den i bruk, men fargen og passforma er akkurat slik eg vil ha det. Ein kvit cardigan med blå striper og grøn kant blir ein sikker vinnar, og eg gleder meg til å kunne vere akkurat passe pynta med den svarte kjolen. Tok også med meg ei oransjeraud T-skjorte med små puffermer og ei herleg grøn T-skjorte i strukturstrikk. Fem supre bruktfunn!
2 fine tankar - legg igjen noko fint du også
Oooo, den grønne var dødsfin! Jeg har superdilla på grønn om dagen.
Grøn er ein farge som eg fyrst dei seinaste åra har byrja å like :) Liker godt denne toppen, både fargen, strukturen og fasongen :D
Legg igjen ein fin tanke