Perler på ei snor

Førre månad var temaet i skaperutfordringa Monthly Makers ordet saga (fortelling eller eventyr). Me var jo på reis størsteparten av juli månad, og eg valde difor å stå over det temaet. No i august er temaet pärlor, altså perler på norsk. Ikkje akkurat det eg er best på må eg innrømme, men plutseleg dukka det opp ein tanke i hovudet. Kva med å lage perler av papir, såkalla paper beads?! Som sagt, så gjort. Eg hadde visst alt eg trengte her heime: fargerikt papir, decoupagelim, saks og noko å rulle papiret på (eg brukte ei heklenål). Som ein starthjelp brukte eg ein mal liknande denne.

Etter å ha sett denne kule nøkkelringen med trekuler inne hos Ann Merete, fann eg ut at det var ein nøkkelring eg ville lage ut av dei små papirperlene som eg nettopp hadde laga. Det finnast mange forskjellige fasongar på papirperlene (sjå her), men eg heldt meg til den kor ein lager tynne trekantar slik at perlene blir nokonlunde runde. Målte opp, klippa, rulla og tok på ein god del med decoupagelim. Lot dei tørke ein times tid før eg tok fram noko tråd som eg trædde perlene på. Og vips så var det klart, og slik ser no nøkkelknippet mitt ut :) Veldig enkelt prosjekt, men tenk på alle moglegheitene: smykke, armband, nøkkelring, øyredobb, uro med meir. Prøv det du også!