11. okt. 2015

Vakker vigslemusikk

For de av dykk som ikkje veit det, møtte mannen min og eg kvarandre i eit korps. Me har jo også hatt mykje å gjere med korpsmiljøet i åra våre saman, både som musikantar, instruktørar og dirigentar, i både skulekorps og vaksenkorps. Difor var det heilt sjølvklart for oss å ha med eit musikalsk bidrag i form av ein grovmessingkvartett i vigsla vår. Jentene på trombone er to av mine fine vener frå vgs. Han på tuba er kjærast med ei av desse jentene i tillegg til at han og mannen min budde saman ei stund her i Stavanger (før dei fire åra i Kr.sand). Og han siste på trombone speler i lag med oss i orkesteret. Me er begge så takksame for at dei kunne stille opp og gjere seremonien ekstra spesiell. Stykket dei spelte var kjærleikstemaet frå Cinema Paradiso, ein film og ein song med begge har veldig kjært. Eg kan enno hugse korleis han og eg såg på kvarandre medan dei spelte; det var så fint og vakkert, og eg både smilte og lot tårene renne. Ei nydeleg oppleving som kjem til å sitje i minnet lenge, lenge, lenge. Bileta er tatt av bryllaupsfotografen vår. Eg vil berre få seie tusen takk til de alle fire for at dykk sa "ja" til å spele i vigsla vår. De er så fine alle saman :)

2 kommentarer:

Moder'n på Møre sa...

Husker dette ja - et nydelig innslag i vielsen! Det ser ut til at presten liker det også :-)
Velkommen heim fra varmere strøk i dag - det ble vel som en forsinket bryllupsreise :-)

Silje sa...

Du har nok rett i det at dette blei vår bryllaupsreise, om enn litt forsinka :) Me har hatt det heilt supert, og kunne nok ha vore der ei veke til ;)