Fredag og tolvte dag jul. Trettande dag jul er snart her, og det er på tide å ta ned julepynten for denne gong. I vindauget heng framleis adventsstjerna, den eg har hatt med meg frå rommet på Sola via åra våre i Kristiansand til leilegheita her i Stavanger. Stjerna som skin med sitt varme lys på dei mørke og kalde dagane. I blåtimen eller seinare. Eller tidlegare viss det er om morgonen. Det er ei lys i mørketida. Både bokstaveleg tala og i overført tyding. Fordi den får meg i ei stemning der eg finn roa, der eg kan setje meg ned i sofaen, høyre på roleg musikk og verkeleg dykke ned i ei bok.
Legg igjen ein fin tanke