Bittelitt jul, men mest nyårsgreier

Korleis har den fyrste veka i 2024 vore for din del? Mi fyrste 2024-veke har vore bra. Heilt greitt å ha det litt roleg etter ein travel desember (sjølv om eg gjerne skulle ha visst noko meir på jobbfronten). Me åt god middag heime på Sola fyrste nyttårsdag, sidan har eg vore ein tur nede i sentrum, ein annan dag var eg innom Amfi Madla og det har blitt mykje lesing. På fredag var me i konserthuset for å få med oss SSO sin nyttårskonsert, eg har fått gått ute i det kalde, fine vêret, og elles har det vore ei ganske avslappa helg. I alle fall for min del, han der fine har skrive ganske så mykje på phd-oppgåva, og slik blir det nok resten av månaden. Men tid til god middag og ein kjekk film har det vore tid til. Tenkjer eg set over til sundagslista mi, den aller fyrste i 2024:

 

✦ enno ei julekattebok med både kjærleik og mystikk, nemleg A Midwinter's Tail, frå Lili Hayward

✦ smakte godt med viltgryte heime på Sola 1. januar 

✦ og Balto var nyårspynta med sløyfe

✦ kult å høyre songar frå fleire Disney-musikalar i programmet På kongelig varieté

✦ siste rest av jul: eit lite bilete med juletrepynten som eg pleier å ha hengjande kalendertreet

✦ å vakne opp til ein magisk fin soloppgang den fyrste dagen i det nye året

✦ sjå den siste episoden i sesong to av The Bear

✦ "Top 10 Songs That Are Iconic to 2000s Movies" – for her er musikk frå Once og Moulin Rouge

✦ ha på meg ein glitrande kongeblå kjole då me var på SSO sin flotte nyttårskonsert

✦ krystallar overalt ute sidan det har vore godt og vel ti kalde mange dagar på rad

✦ juleboka The Christmas Holiday av Sophie Claire var ei av dei beste julebøkene eg las no nyleg

✦ dei er så søte og rare, dei to kattane Bami og Dami

✦ sollyset inn i stova vår måndagsformiddag

✦ Erlend Loe og Lisa Aisatos utgåve av den klassiske Dickens-historia En julefortelling

✦ kjenne at adventsstjerna i vindauget gir meg ei ro

✦ fine smykke frå Embla Design 

✦ småfuglane som hadde komme seg inn på Sølvberget

✦ klippe håret

✦ eit magisk bilete frå "Årets første dag" inne hos Et katteliv

✦ stjernene ved Breiavatnet lager finfin vinterstemning 

✦ litt strikking innimellom all lesinga

✦ tihi, ein liten katt som trur den er ein hund nettopp fordi den veks opp med hundar

✦ laurdagspizza og filmen Vivo med musikk av Lin-Manuel Miranda

✦ for ein gyllen solnedgang på årets fyrste dag!