Oppstykka og delt veke. Fri dei tre fyrste dagane, min fyrste jobbdag på torsdag, fredagsfri og sidan jobb igjen i går. Kjekt å hjelpe kunder med å finne ei god bok til seg sjølv eller som ei gåve, og elles har eg for det meste prisa varer som skal ut på Mammutsalet i slutten av månaden. Tysdagskveld var det som vanleg orkesterøving, og det er vel heller inga bombe at eg også denne veka har lese ein god del. Ny månad = ny Christie-bok og ei ny sakprosabok, og foreløpig storkoser eg meg med å lese eit par kapittel i kvar bok kvar dag. Noko som ikkje er så gøy, er å setje meg ned for å gjere rekneskapet for orkesteret sidan eg sit som kasserar i styret. Puh, det der er ikkje mi sterke side, men eg (les: i lag med min betre halvdel) prøver i alle fall så godt eg kan. Seinare i kveld skal me på besøk til eit venepar, og det veg opp for rekneskapsgreiene ;) Så tjo og hei, kjekke saker på ei snei:
✦ feire at mannen min har levert phd-oppgava med middag frå Zouq her heime – stolt av deg!
✦ lese ut den siste boka i serien om bokvandrarane, Den siste bokvandreren av Anna James
✦ hallo, eit fyrste lite glimt av vår!
✦ Davids heilt fascinerande kunst
✦ sporven som gjekk i eitt med veggen inne på Sølvberget
✦ og helse på ein fin raudstrupe på ein spasertur
✦ setje av tid til lesing før jobb (morgonstund med bok og kaffe, eg blir ikkje lei)
✦ sjå på den britiske krimserien Rosemary & Thyme
✦ bra orkesterøving, berre to veker til konsert
✦ levere bøker på Madla bibliotek, kjekt å sjå det nyoppussa og prate med ein tidlegare kollega
✦ Bjarte Tjøstheim som kong Herodes i Jesus Christ Superstar, eg gleder meg til musikalen i haust!
✦ veit ikkje heilt om eg hang med på alt då eg las Svar på brev frå Helga, men pyttsann, litt artig lell
✦ mine to fyrste dagar på jobb var ganske okei
✦ sjå Poor Things på kino, for ei annleis filmoppleving!
✦ Malakai sin versjon av "Benedictus" er utruleg vakker
✦ lese minnelappar høgt for kvarandre
✦ bake ei kake til kveldens besøk
✦ laurdagspizza og kortfilmen The Wonderful Story of Henry Sugar av kulaste Wes Anderson
✦ søt, lita teikneseriestripe med ein trist katt som får ein trøystande telefon
✦ kul lysinstallasjon sett midt på torget sånn på tampen av Stavanger lysfestival
✦ synest det var knallgøy å lese In the Weeds, bok nummer to i ein herleg serie av B. K. Borison
Legg igjen ein fin tanke