Mektig lei av å vere forkjøla no, ja. Heldigvis kjenner eg meg ikkje sjuk, men tett nase og hoste er likevel ikkje noko særskilt gøy. Nok om det, veka har vore meir novemberaktig om ein tenkjer på vêret enn dei føregåande vekene, det skal eg ærleg innrømme. Bøker, kaffi, små turar då sola skein og overnatting av krøllebølle heva dagane betrakteleg. På tysdag var det øving med grovmessinggruppa i orkesteret, trur kammermusikkonserten om ei veke blir bra. Og då er det faktisk desember. "Hei, hå, nå er det jul igjen". I alle fall nesten. Eg har ikkje så mykje meir på hjartet no anna enn å dele slik som har vore kjekt, fint eller bra dei siste dagane:
✦ bøker om bøker er alltid like gøy å lese: The Messy Lives of Book People av Phaedra Patrick
✦ regn på ruta midt i veka gjorde ikkje så mykje sidan eg hadde gode bøker som venta på meg
✦ for nokre søte og fotogene sauar med krone på hovudet
✦ å, den der kule sauen oppe ved Ullandhaug økologiske gård!
✦ gyllent hautslys ved nærbutikken
✦ gjensyn med Snømonsteret og songen "Into the Uknown" frå sesong 2 av Maskorama
✦ gjenlese Eleanor & Park av Rainbow Rowell
✦ filmen The Secret of Kells vil eg verkeleg anbefale (i lag med Song of the Sea)
✦ øve litt i lag med mannen min på UiS
✦ Ali Hazelwoods nyaste bok, Love, Theoretically, synest eg var kjempekjekk
✦ laurdagskjensla: etter ei lita utflukt, var det kaffi, bok og noko attåt
✦ skjønner godt alle dei gode meldingane og Bokhandlerprisen til Lovrenski med Da vi var yngre
✦ gøy at eg er litt med i denne togjulereklamen frå Go-Ahead
✦ sundagsformiddag med strikketøy og krøllebøllekos
✦ stikke innom Ullandhaug gårdsbutikk to av dagane denne veka
✦ framleis litt haustfargar på trea i nærområdet
✦ "Telefonkiosken fyller 90 år" – artig lesing om dei raude telefonkioskane
✦ blå himmel ein dag ved Mosvatnet
✦ gule, fine haustblad på bakken
Legg igjen ein fin tanke