Dyra på Ullandhaug, alltid like søte. Me var ein snartur oppom Ullandhaugtårnet og den økologiske garden på tysdag, herleg å komme oss på ein liten luftetur. Ved garden var det ein snakkesalig sau som ville helse på oss. Fyrst låg den berre roleg på marka og titta på oss, men den blei for nysgjerrig til å berre liggje stille. Okei, så trudde den sikkert at me hadde med oss mat og kanskje meinte sauen at den blei litt snytt. Uansett var det eit koseleg møte, og som alltid: "sauer er ålreite dyr".
Sa også "hei" til gjæsene og endene, og så var det eit par andre sauar rett ved som me stoppa opp for å helse på. Dei var ikkje like interesserte som den fyrste sauen, men sjå på det snille andletet! Før me kom oss heim, kjøpte me med oss nokre knallgode rundstykke frå Ullandhaug gårdsbutikk.
Legg igjen ein fin tanke