Siste dagane i mai med bryllaupsdagar og junis fyrste dagar

Mai er over og me skriv plutseleg juni. Offisielt sommar. Som vanleg skjønner eg ikkje heilt kor den der tida blir av. Feira bryllaupsdag x2 denne veka (både vår og mine foreldres dag), prøvd å nyte kveldslyset rett utanfor svømmehallen ein av dagane eg var seint på jobb, eit teaterbesøk for å sjå Vamps Våken drøm og ei helg med kvilepuls. For når ein kan sitje ute på balkongen og lese på ein sundag og dagen før vere ute og gå fleire kilometer langs eit vatn, då kjenner eg at skuldrene blir mange hakk lågare. Blir litt rart å ha fri i morgon og så stå opp halv fem på tysdag, men samstundes klagar eg ikkje på ein ekstra fridag. Om litt er det på tide å finne senga, kjekke punkt frå denne veka:

 

✦ starte veka med god kaffi, bok og strikketøyet i fanget

✦ kveldslyset over nabobygget då eg hadde kveldsvakta på jobb

✦ stearinlys i eit vindauge, så enkelt og likevel så vakkert

✦ lese ut nok ei knalltøff bok av Édouard Louis

✦ få til å strikke vrangmasker med tråden bak arbeidet

✦ liten artikkel om ti minneverdige scener frå Shetland-serien

✦ stoppe opp for å nyte ein magisk solnedgang over Mosvatnet 

✦ maidagar i ein liten videosnutt frå denne fine Instagram-kontoen

✦ kule Midgardsormen over Frøylandsvatnet

✦ bokklubbmøte rett før helga tok til

✦ "Top 20 Catchiest Songs from Classic Movie Musicals" – for her er det mykje gøy!

✦ høyre på brassbandmusikk på Spotify då "I Don't Know How To Love Him" dukka opp

✦ balkonglesing

✦ mange gode forslag til skeive bøker ein kan lese no når det er juni og pridemånad

✦ rar leseoppleving med Skydekke av Andrea Abreu 

✦ blomebukett og makronar frå min betre halvdel på vår bryllaupsdag ♥

✦ Ida som tar oss med på ein liten hagetur hos Fru Berg, her såg det ordentleg koseleg ut!

✦ hortensia i fleire flotte fargar

✦ blir glad av å lese om dette paret som fann kvarandre ved å bruke augestyrt teknologi

✦ konsertforestillinga Våken drøm på teateret med familien

✦ sjå ei som hadde The Book of Mormon-handlenett på teateret

✦ Abbys heilt nye og søte geitekillingar

✦ ete ute på restaurant for å feire mamma og pappas rubinbryllaupsdag 

✦ og den fløyelsmjuke crème brûléen var berre heilt utruleg god