Heldigvis har det vore ei noko lettare veke med sol og flott føre, kjekke dagar på jobb og småhumring av å lese dei bøkene eg er i gong med for tida. Lyset ute desse kalde januardagane, å, det har gjort godt. Sola og sollyset gjer ting med eit lysare, og sjølv om det er meldt sludd og regn dei neste dagane, har eg i alle fall fått oppleve ei kjempeflott januarveke no denne veka. I helga har me slappa av, spelt brettspel med broren min (me tre er blitt ein liten kohort), sett på kjekke TV-seriar og lese ein heil del. Hallen er nok stengd nokre veker til, men me gjer det beste ut av situasjonen med mykje humor, ein god del kaffi og pågangsmot. Deler her vekesoppsummeringa:
✦ kakao toppa med krem og bittesmå marshmallows og det artige spelet "Ticket to Ride"
✦ tihi, små geitekillingar, berre sjå her kor søt denne er
✦ sola som skein på naboblokka fleire av dagane
✦ prøve å oppsummere fjorårets beste leseopplevingar i mitt førre blogginnlegg
✦ "Matching Classical Music to Famous Artwork" – TwoSetViolin med ein herleg video
✦ gå til jobben på måndag, godt å kjenne frisk luft og berre få bevege meg ordentleg
✦ Jesus Christ Superstar er heile femti år i år, ein av dei musikalane eg diggar aller mest
✦ sjå ferdig Narnia-serien, nostalgisk gjensyn med alle dei fire sesongane med Sølvstolen til slutt
✦ om årstidskontrastar, mørketida og midnattssol, ein liten video laga av finaste Jonna
✦ blir alltid like glad når sola skin inn i stova vår
✦ sundagsmorgon med stearinlys, ein liten sjokoladebit og ei god bok på lesebrettet
✦ koala møter kenguruar
✦ strikke vidare på Twiggygenseren (sjølv om eg no må la den liggje litt til eg får skaffa meir garn)
✦ Bisarre fortellinger av Olga Tokarzcuk er verkeleg ei spesiell og merksnodig leseoppleving
✦ å fange sollyset då eg var på eg til butikken
✦ hint av kvit snø på grøne buskar og rosa lyng
✦ Jojo Moyes si nyaste bok, Det siste brevet fra deg, var noko føreseieleg, men fin likevel
✦ "Min favorittmusikk med Håkon Vestly" – interessant å høyre på dette innslaget
✦ jobbhumor, kanskje ikkje den beste humoren, men gurimalla så artig likevel
✦ sjå eit par episodar av Great Canal Journeys, altså – den serien er berre så koseleg britisk
2 fine tankar - legg igjen noko fint du også
Åååå for en fin liste! Snø -og solbildene dine, Ticket to Ride (som er ett av favorittspillene mine), kakao, de søte dyrene, det fine innlegget til Niina, Med kjærlighet for kanaler (jeg tror vi har sett nesten alt), Narnia fra barndommen, og ikke minst den nydelige nydelige videoen fra skjønne Jonna ♥ Jeg skulle jo egentlig legge igjen en kommentar her i går, men ble helt oppslukt i den videoen ;) Hehe, men midnattsol, vakker natur og vinter kan være bra fengslende. Håper dere har en fin uke der nede i sør ♥ I morgen blir det visstnok blåsbortdag her nord. Men vi skal nok holde oss fast ;)
Blir like glad kvar gong eg ser orda dine, Ida ❤️ Desse sundagslistene tar tid å setje i hop, men samstundes veldig gøy når eg ser det gleder andre. Kanalprogrammet er berre så koseleg og Jonna lagar dei mest magiske videoane! Nok ein gong takk for fine ord, skjønne deg!
Legg igjen ein fin tanke