Mørke oktoberdagar, men ei fin helg

Oktober kom og gjekk, fyrste novemberdag er her. Kjenner desse to dagane har gjort godt, for eg har for det meste lese og strikka. Høyrt på klassisk musikk og ledd av Taskmaster. Det var akkurat det eg trong etter ei jobbveke der energien har vore låg, kundane har klaga mykje på låg vatntemperatur (tempen må nemleg ned når det skal vere stemne i hallen) og ein god del å gjere i samband med eit svømmestemne. Heldigvis er me fleire som hjelper kvarandre, og ein god (eller kanskje dårleg) humor blant oss kollegaer hjelper på. Fredagsgodt på jobb, fleire bøker frå biblioteket, strikking og ein korpskonsert har løfta veka fleire hakk. Seinare i kveld skal eg sjå Eventyrlig oppussing og sidan har eg fri både i morgon og tysdag. Ny sundag, ny liste:

✦ hygge med haustmagasinet til Mariell, kaffi og stearinlys

✦ høyre på albumlansering på Youtube: Hauser som nydeleg speler musikk av Morricone

✦ dei små og fine vasene eg nettopp har funne på to gjenbruksbutikkar

✦ piggsvinet Herbee må jo vere eit av dei søtaste, og smilet hans er berre heilt herleg

✦ storkost meg med fleire episodar av All Creatures Great & Small

✦ og no byrja på 2020-versjonen av nemnde serie, like herleg den også

✦ stille lesestund ved eit lite bibliotek medan eg venta på å høyre Bjergsted Blåseensemble

✦ kjekt å høyre på korpsmusikk live igjen i går kveld i Bjergsted

✦ "Send in the Clowns" med a cappella-gruppa VOCES8

✦ saknar England og Yorkshire litt ekstra når eg ser på den serien

✦ fine Jonna har publisert ein ny vlog, og eg drøymer meg vekk i hennar vakre video

✦ brukte ei stund på denne boka, men Stephen Fry skriv herleg humoristisk om gresk mytologi

✦ 25 år sidan miniserien Pride and Prejudice kom ut og blei ein kjempesuksess

✦ skarpt og gyllent haustlys ein dag ved Mosvatnet

✦ og ikkje minst endå fleire haustblad

✦ ikkje at eg treng nye turklede, men merket Astrid Wild har stilige og kule turbukser

✦ artig teddybjørn på ein vegg midt i byen

✦ sjå ferdig Hamilton på Disney+ med mykje bra musikk

✦ tihi, for ein artig og søt, liten elefant

✦ nok ei spennande bok frå Stina Jackson, nemleg debutromanen Sølvveien

✦ laurdags- og sundagsmorgon med dyne i sofaen, humorprogram og frukost litt over åtte