Årets fyrste månad er nesten, nesten over. 2020 er godt i gong, men i går kveld var det ein liten mimrekveld tilbake til fjoråret. Me tok nemleg fram minneglaset, det glaset der me i løpet av eitt år puttar lappar oppi, lappar som me har skrive ned forskjellige opplevingar og minne på. Laga oss te som me hadde i dei finaste krusa, tente stearinlys og fann fram bittelitt søtt å bite i. Dette er ein av årets koselegaste tradisjonar. Berre han og eg, alle minna, kjærleik, latter og glede. I tillegg er det ein kjempekjekk måte å oppsummere året på. Håper på like mange slike stunder i løpet av 2020.
Legg igjen ein fin tanke