Og sånn går dagane her på Sunnmøre. Me drikk kaffi om morgonen og til lunsj og te om kvelden. No og då tar me oss tid til å klappe katten. Fine Jeremias. Han byrjar å bli ein gammal pus, og no når det er såpass kaldt ute, liker han best å liggje inne, ete litt og berre slappe av.
På onsdag var me ein tur innom Kyrkjetorget – ingen Sunnmørstur utan eit besøk til bruktbutikken. Eg fann ikkje noko å ha med heim, men det gjer ikkje så mykje, halve moroa er jo å gå rundt og titte. Fekk ordentleg tilbakeblikk til barndommen då eg såg den fyrste
Harry Potter-boka liggje framme i ei eske med bøker. Tenk å kunne lese den boka for fyrste gong igjen. Nokre artige lamper og eit servise måtte eg også ta ein ekstra titt på. I morgon tar me forresten å byrjar på heimvegen: då blir det Hurtigruten til Bergen og vidare med Fjord Line til Stavanger på måndag.
Ute sit meisane på ei grein, for ute i hagen får dei mat. Sola skin inn i stova og lager dei flottaste skuggane. Og eg les i ei bok medan eg innimellom ser ut på den vakraste utsikta eg aldri blir lei.
2 fine tankar - legg igjen noko fint du også
Jeg gleder meg jeg skal lese Harry Potter for babyen min for første gang. Håper bare det faller i smak, hehe. Så fine lamper! Artig å gå og se i bruktbutikker, selv om man ikke ender opp med å kjøpe noe. Håper dere koser dere på Sunnmøre!
Skjønner godt at du gleder deg til det (og eg trur den kjem til å falle i smak). Synest sjølv dei lampene var litt kule, men veit ikkje heilt kor me skulle ha hatt dei i heimen, eller i bagasjen ;) God laurdag, fine deg <3
Legg igjen ein fin tanke