Heime igjen etter siste dag i Stockholm

Tenk at denne veka faktisk starta i Stockholm! Kom jo heim seint måndagskveld og sidan har det gått i eitt med jobb, møte, litt kjøkkenoppussing, to turar og planlegging av ferietur. Og fram til seint utpå fredagen var eg grasenkje, for mannen min var jo igjen i Stockholm på eit seminar. Sjølv om me sånn sett hadde ein langhelg førre helg, er det heilt greitt at det er ein ekstra fridag i morgon med tanke på at denne veka har gått nesten litt for fort. Den fyrste sundagslista i juni får de her:

✦ likte godt dei to bøkene om Allyson og Willem (Bare en dag og Bare ett år)
✦ bruke siste dagen i Stockholm til å vandre rundt, ta lokalbussen og ete ein is
✦ ein skjønnare, liten kanin skal ein leite lenge etter
✦ synest skiltet me såg i ei gate i Stockholm på måndag var morosamt
✦ finne to nye favorittplagg i ein Gudrun Sjödén-butikk
✦ 20 anbefalte butikkar på Etsy for alle bokelskarar
✦ familien min som var innom ein tur på onsdag med både blomar (bryllaupsdag) og kjøkkenhjelp
✦ herleg Broadway Riff-Off med James Corden og Neil Patrick Harris
✦ nok eit artig skilt, denne gongen frå flyplassen på Sola (for kaffi er alltid ein slager)
✦ har kanskje delt denne før, men sjekk ut alle desse vakre biblioteka
✦ få mannen min heim igjen
✦ gå ein snartur rundt Vannassen der me traff på dei nusselege svaneungane
✦ så mange rørande bryllaupsbilete, for kjærleiken er vakker, uansett
✦ knallgule smørblomar langs ein del av sundagsturen
✦ bra jobbmøte med lunsj og det heile midt i veka
✦ a cappella-versjon av Go the Distance frå filmen Hercules
✦ kveldskos med god te
✦ å tenkje på at me har vore gift i to år allereie