Frimåndag, fire klassar på DKS-opplegg, foredrag og fargerike blomar på Wiig Gartneri og ein laurdagskveld med taco og brettspel. Mi veke heilt kort oppsummert. Er også nyleg blitt med i orkesterets styre, og veit ikkje om eg er heilt førebudd på å vere kasserar. Men eg får prøve å gjere eit forsøk. Om ikkje anna var det veldig kjekt å vere med to venar på vår årlege tur til Wiig Gartneri. Han eine skulle til og med ha foredrag, i år som i fjor, og denne gongen var også Finn Schjøll med på foredraget. Artig! Spelekveld hos tante med broremann og mannen min var endå artigare! Lesing og strikking i helga i tillegg til ein liten sykkeltur i sola i dag. Over til sundagspunkta:
✦ lese bok nr. tre i serien om Bergman-søskena, og eg likte godt Ever After Always
✦ sollyset gjennom skyene på veg til jobb med morgontoget
✦ bokklubbmøte på nettet med den finaste gjengen
✦ trur eg har vist denne før, men Hugh Jackman som syng frå musikalen The Music Man, så løye!
✦ småhumra medan eg las Dødens læregutt av Terry Pratchett
✦ blomebukett i friske fargar i heimen vår
✦ sjå ferdig Shetland (kjem til å sakne Jimmy Perez)
✦ opne ny park med biokull som tema der både ein skuleklasse og ordføraren var til stades
✦ helse på finaste krøllebølle som gjerne ville vere med oss og spele gøyale spel
✦ spele "Takenoko" (aka pandaspelet), ete taco og berre ha det hyggeleg hos tante i går kveld
✦ koseleg hus og små, grøne blad på eit tre
✦ å spasere ned ein vårgrøn allé
✦ fargerike klassikarar i ein bokhandel
✦ høyre foredrag med Dennis og Finn ute på Wiig Gartneri
✦ lille Haru, like nusseleg i kvar einaste video
✦ kose meg med strikkinga no i helga
✦ sjå både lam, fole og rådyr på veg til og frå gartneriet
✦ knallgod kanelsnurr kjøpt på REKO-ringen, kaffi og den finfine boka The Heart Principle
Legg igjen ein fin tanke