Morgonskift og Oslotur

Hiv o'hoi! Litt av ei veke med tidlege morgonar, ein fridag som attpåtil var vår bryllaupsdag og no i helga ein tur til Oslo saman med ei god veninne. Det har verkeleg gått i eitt, men det har berre vore kjekke ting :) På onsdag var me i tillegg ute med burettslagstyret (mannen min har nettopp gått av som leiar og det var middag saman med det gamle og det nye styret). Me åt ute på Bølgen & Moi, og både maten og selskapet var tipp, topp, tommel opp. Morgonane på jobb har gått greitt sjølv om eg framleis synest det er altfor tidleg å stå opp halv seks. Toget fram og tilbake Oslo no nettopp, og grunnen til det var at veninna mi og eg ønskja å sjå The Book of Mormon – for tredje gong! Kjempekjekk tur trass i noko lite søvn (ikkje berre berre å sove ordentleg når ein tar nattoget). Kom heim i tre-tida i dag, og har fri i morgon og på tysdag. Klagar ikkje på det! Byrjar å bli seint no, snart leggjetid. Men fyrst ei lita liste, ei slik eg som vanleg deler her på bloggen når det er sundag:

✦ hjartevarm og herleg bok: Perler på en snor av P.I. Paris
✦ "Jeg skal bare" – måtte smile for meg sjølv då eg las dette innlegget hos Et katteliv
✦ moro at dei kom med Harry Potter-referansar i en episode av den kulaste Brooklyn Nine-Nine
✦ ete ein veldig god trerettars middag på Bølgen & Moi saman med ein fin, liten gjeng
✦ lese ut The Hating Game, ein litt artig romantisk komedie
✦ morgonlyset mellom blada og solnedgangen ved sykkelvegen
✦ og ei videoliste med ti såkalla "plot twists" frå Harry Potter
✦ sykle til jobb tidleg om morgonen, ha solbrillene på og høyre fuglane kvitre
✦ titte på boka My Family & Other Animals i ei fysisk utgåve i en bruktbutikk
✦ hi, hi, må smile av dette eselet som trur det er ein hund
✦ høyre kjærleikstemaet frå Cinema Paradiso på radioen på veg til orkesterøvinga
✦ Jonna sin vlog nr. 24 som viser det nye huset som ho og kjærasten har kjøpt i Grundtjärn
✦ prate med ein badegjest som var strålande nøgd med vatnkvaliteten
✦ svaner ved Mosvatnet då me gjekk ein tur der på torsdag
✦ sjå eit søtt piggsvin på veg til jobb den fyrste dagen denne veka
✦ nydeleg blomsterbukett
✦ The Book of Mormon for tredje gong og mykje anna i Oslo, bilete kjem ;)
✦ blomar og god middag på bryllaupsdagen vår
✦ ti undervurderte songar frå musikalar – så glad for at "Will I?" frå Rent er nummer ein
✦ lyset gjennom det store og stilige takvindauget på jobb
✦ får ikkje nok av den lille, søte kattungen Maya
✦ å få eit lite besøk av naboens skjønne katt ute på balkongen