Hei, hei frå denne kanten

Kvart år går den der sommarferien altfor fort. To og ei halv veke på tur og eit par-tre dagar her heime. Som du sikkert skjønner er det tilbake på jobb igjen i morgon, veit ikkje om eg er heilt klar for det, men det er no berre slik det er. Dei siste dagane har me brukt til å pakke ut, vaske klede, sykle ein liten tur, lese mykje og generelt prøve å komme i orden. Me gjorde som i fjor og tok oss ein interrailtur der me var eit par dagar i Tyskland og resten av ferien var me i England (tihi, det er kanskje inga hemmelegheit at eg er anglofil person). Omtrent umogleg å oppsummere alle dei fine og kjekke opplevingane i eit og same innlegg, så sundagslista kjem til å vere ei oppsummering berre av denne siste ferieveka. Inkludert eit par bøker eg har lese i det siste, for lesing har me fått tid til:

✦ mellom anna på tur langs Hadrian's Wall, og det var stas å lese Vera-boka The Darkest Evening

✦ å, supergøy å ta turen innom bokhandelbåten Word on the Water!

✦ rart å tenke på at me på måndag både var i Oxford og i London før me byrja heimreisen på tysdag

✦ Mirandas video med bøker ho ville ha lese om igjen for fyrste gong (fleire av mine favoritta her, ja)

✦ magisk å få ei omvising i Divinity School og Duke Humfrey's Library ved Bodleian Library

✦ stikke innom den fine butikken Choosing Keeping i London

✦ balkonglesing både fredag og i går

✦ ei liste over tolv bokbyar ein absolutt bør besøke

✦ vakre Hertford Bridge i Oxford, også kalla Bridge of Sighs

✦ Last Bus to Woodstock er den fyrste Inspector Morse-boka, og så klart las eg den i Oxford

✦ tihi, koseleg å sjå ein episode av Heartbeat på ferja på veg heim

✦ Olive er så søt og artig, ta ein titt på denne videoen der ho prøver ulike børstar

✦ the Hub sine hotell i London har akkurat det ein treng for å bu enkelt og sentralt når ein er i byen

✦ følgje Leseklubben som no les Den store Gatsby

✦ lang togdag, London-Brussel-Frankfurt-Kiel, men alt gjekk på skjener, bokstaveleg talt 

✦ liten handlerunde i Sandnes i går med mannen min

✦ trass regn, var det kjekt å ha eit par timar i Kiel onsdagsmorgon

✦ flott langs Sørlandsbanen, altså

✦ for eit litt rart og koseleg sofahjørne

✦ ete taco, sjå ferdig Dial M for Murder (bra film!) og spele "Dominion"

✦ sykle til eit lite vatn, herleg å bevege litt på oss og sjå både svaner og ender

✦ sundagslesing med heimelaga latte, ein solskinsbolle på deling og ein ordentleg klassikar