Stemningsfull julesong frå ein filmklassikar

Morgon med ein song, den songen eg alltid må høyre på denne tida. For "Walking in the Air" frå The Snowman er ei av låtene på mi julespeleliste, og Aled Jones sin versjon av songen er den aller vakraste i mine øyre. Orda eg skreiv her på bloggen i fjor, gjeld enno: stemma hans, både som ung og vaksen, er som balsam for sjela. Sjølv om videoen over er bra, er det nok denne versjonen der sjølve biletekvaliteten er dårlegare, som er den eg set høgast. Trykk på videoen eller lenkja, len deg tilbake og kjenn at julestemninga kjem sigande. Det skal i alle fall eg gjere i løpet av dagen.