Dobbeltbursdag inne, ein haug med snø ute

Kan ikkje seie at eg blei så veldig glad då det kom meir snø fredag og endå meir i går. Sukk, eg trudde våren var komme no, sånn på ekte. Regnet skal komme i morgon, så eg skal slutte å klage. Og resten av denne veka har vore superfin med strålande sol frå morgon til kveld. Mindre travelt på jobb sidan ferien var over, men nokre av dagane var det full rulle med skuleklassar, sjakkturnering og det eine med det andre. Eg har høyrt på musikken frå Så som i himmelen (tihi, inga overrasking), og ein av dagane medan eg stod og demonterte LEGO, høyrde eg på songane frå sceneversjonen av musikalen Moulin Rouge. For den kjem som nemnt til Oslo no i haust. Elles var me på Sola i går for å feire pappa og pantertante som begge nettopp har hatt bursdag. Eit søskenbarn var det også, og det blei taco, kake, latter og spel. Strikking og lesing har stått på dagens agenda i tillegg til ein tur innom ein liten butikk med mange flotte teakmøblar. Skal ha ei lita skive heimebakt brød no før me snart skal gå og leggje oss. Ønskjer deg ei fin veke, avrundar med ein haug kjekke ting og tang:

 

✦ siste bok i Fremmedsteds-trilogien er ferdiglesen, og dette er ein så herleg serie!

✦ sundag med mykje lesetid 

✦ energi og godt humør av vårsola som skein dei aller fleste av kvardagane

✦ for nokre vakre omslag på desse klassikarane frå Wordsworth

✦ høyre SSO spele musikk komponert av Ravel, og det var ganske tøft då koret stemte i

✦ grønt er skjønt på jobb: heimestrikka kjole og nye øyredobbar frå Angélica León

✦ lyset om morgonen på alle bygga eg går forbi 

✦ i høve kvinnedagen: "Her er elleve norske kvinner som var først"

✦ rar og annleis leseoppleving med Stakkar av Matias Faldbakken

✦ dobbeltbursdag = dobbelt med kake! ;) 

✦ musikalmusikk både på jobb og her heime

✦ "Fint i februar" – sollys og skjønnaste pusen inne hos Et katteliv

✦ framleis like varm om hjartet når eg ser alle snøklokkene

✦ morgonar med pastellhimmel 

✦ ny sesong av Grantchester på NRK Nett-TV

✦ alltid like søtt når ein liten katt er ven med ein mykje større hund 

✦ hente ny bok på biblioteket og byrje å lese i den

✦ skuggespel på eit fargerikt golv 

✦ kul musikk og like kul stepping i denne videoen frå musikalen Anything Goes

✦ Stitch frå Lilo og Stitch på LEGO-veggen på jobb

✦ og ikkje berre blei det kake i går: kjempegøy å spele "Imagine", og det blei mykje latter

✦ lesing på toget med den nydelegaste soloppgangen rett utanfor vindauget