Sjeldan ein kan sjå nordlys over Stavanger, men det skjer ein gong i ny og ne. For min del såg eg det for fyrste gong for akkurat ei veke sidan. Kanskje ikkje så sterkt som det ein kan sjå lengre nord i landet, men me fekk faktisk auge på det grøne lyset som dansa over nattehimmelen.
Aurora borealis. Akkurat like vakkert som det høyrest ut. Stod oppe ved Ullandhaugtårnet for å få utsikt over byen, og det var me ikkje aleine om. Skal innrømme at det var mykje lyssforureining, og eg er heller ikkje ekspert på det der med å ta bilete av nordlyset, men nokre bilete av den grøne slangen på himmelen blei det no. Å stå der i den litt kalde lufta, ein heilt vanleg måndagskveld heilt på tampen av vinteren, og endeleg få oppleve dette fenomenet, det var eigentleg ganske stort.
2 fine tankar - legg igjen noko fint du også
Ååå, så fine bilder! Det er en skikkelig luksus å oppleve sånt nordlys her i sør - rett og slett magisk!
Ordentleg kvardagsmagi! :D Må seie det var stort å sjå det for fyrste gong, takk for fin kommentar, Synne! :)
Legg igjen ein fin tanke