9. okt. 2017

Studieturen

Planen i går var å berre slappe av, lese lenge og lese endå litt meir. Men då me såg ut, var det altfor fint vêr til å berre sitje inne. Me fann ut at den såkalla Studieturen, som er dryge syv kilometer, kunne passe perfekt på ein sundag som den me hadde i gårSjå den knallblå himmelen, fargerike blomar som framleis lyser opp på balkongar og dei fine kattane me møtte på vår veg.


Eg har ikkje så mykje anna å seie enn "sukk". Eit lite sukk. Sidan me hadde hatt skikkeleg gråvêr tidlegare i veka, var det ekstra godt å kunne gå ute utan regntøy, utan å kjenne vinden piske i andletet. Den friske lufta, det gylne lyset mellom dei raude og gule blada. Sundagstur på sitt beste.


Som namnet på turen tilseier, går ein del av turen innom universitetet. Rart å vere der sånn plutseleg no når eg ikkje studrere der lenger. Oppdage ein statue som eg ikkje har sett før, berre vere der "på besøk". Før me vende snuten heimover, var me også ein liten tur innom den botaniske hagen. Fall veldig for den herlege fargen på desse bæra. Etterpå kom me oss heim til kaffi og bok.

2 fine tankar - legg igjen noko fint du også

tea sa...

Så godt at dere fikk en dag med nydelig vær! Håper været denne uka ikke blir så alt for ille heller. Det er ikke så gøy når det kun regner hver eneste dag. Så ut som en fin tur! Ha en fin uke, Silje <3

Silje sa...

Etter regn kjem sol eller noko sånt ;) Gjorde i alle fall veldig godt å få ein slik fin sundag. Og takk det same om ei bra veke, Ida <3

Legg igjen ein fin tanke