26. okt. 2020

Egostrikk i ein herleg grønfarge




Hei og hå, håper måndagen din har vore bra! Det var så kjekt og stas å spele konsert i lag med orkesteret i går! Sidan det var eit avgrensa antal publikum, blei konserten i tillegg strøymt direkte på Sandnesposten si nettside. "Festive Overture" av Shostakovich og Dvoraks åttande symfoni var begge to veldig kjekke å spele medan Rachmaninoffs pianokonsert nr. to med solist var nydeleg å høyre på. Trur me alle syntest at det blei ein kjempebra jubileumskonsert! Tidleg opp i dag, og i løpet av dagen har eg gått rundt og nynna for meg sjølv på sistesatsen av Dvorak, ha, ha. Sånn kan det gå ;) Ville elles starte veka med å dele eit par-tre bilete av genseren som eg held på å strikke. Er så glad i både fargen og garnet. Garnet er Pickles Merino Tweed frå nettopp Pickles, og genseren eg prøver meg på, er Twiggy-genseren. Tweedgarnet er noko ujamt og saman med at eg strikkar ribbestrikk, blir det ein litt røff og ledig stil. Diggar det! Kult å teste ut raglanauking for fyrste gong. Har ikkje bestemt meg for om eg skal ha halsen slik som på biletet eller om eg skal brette den innover, kva trur du? Eg har framleis ein del igjen, men det går no framover. Og så er det gøy! 

Legg igjen ein fin tanke