16. okt. 2020

Biltur i oktober





Som regel når me reiser til Oslo, tar me toget. Eg saknar det, for den roa eg finn når me drar av garde med toget, den er noko heilt eige. Men enn så lenge er det slik det er, og for å slippe å ta toget og sidan kollektivtrafikken midt sentrum, leigde me bil då me førre veke skulle sjå Chess. På veg bort køyrde me om Tonstad og Evje, men me visste ikkje at det var vegarbeid eit lite stykke etter Tonstad. Dimed måtte me sitje ei dryg time og vente. Heldigvis hadde me med oss kaffi på termos, noko søtt (hadde nemleg ete lunsj på eit veldig bra bakeri der me altså tok med oss noko til kaffien) og kvar vår bok. Alt i alt blei det ganske så koseleg! Bjørkene med haustgule blad fauk forbi oss, og på ein fin rasteplass rett ved eit vatn var det gylne fargar overalt. Ein veldig rund og knallraud flugesopp fanga blikket mitt – for sjølv om dei er giftige, er dei ganske flotte å sjå på.


Langs heile vegen, både oppe på fjellet, langs kysten og inn mot Oslo sentrum, fekk me oppleve dei vakraste haustfargane. Gult, grønt, raudt og oransje om kvarandre. Tysdagen, då me køyrde til Kragerø for å overnatte der, var det nydeleg vêr ute og me køyrde forbi fleire små vatn der vatnet var heilt blikkstille. Å, at hausten kan vere så magisk når den òg ofte har fleire grå og triste dagar.

2 fine tankar - legg igjen noko fint du også

Ida sa...

Så stemningsfulle og fine bilder Silje ;) Og når jeg leser hva du skriver tenker jeg at kontraster er et passende ord for høsten. Med så mange fine farger, vakker natur, men også en del grå og triste dager.

Silje sa...

Alt i alt har hausten mykje, mykje fint å by på, men ein må av og til leite litt ekstra ;) Håper du har hatt ei fin helg, gode deg!

Legg igjen ein fin tanke