No byrjar me å nærme oss slutten på Interrail-turen. Det har tatt tid, men det er berre fordi eg har hatt så mykje eg ville vise dykk, og i mine auge er over tjue bilete i eit innlegg for mykje. Men over til dagens lille glimt frå Budapest. Me stakk nemleg innom den store mat- og marknadshallen i byen. På ungarsk heiter den Vásárcsarnok (trur ikkje eg skal prøve å uttale det). Bygget er frå heilt i slutten av 1800-talet. Mykje å sjå og kjøpe, kanskje litt for mykje, for eg må nok innrømme at me gjekk tomhendte ut. Men likevel verdt eit besøk. Fann ein plass der me kjøpte litt is; det var godt over tretti gradar ute! Titta også opp på den grøne brua medan me gjekk litt rundt i byen.
I løpet av turen vår, prøvde me jo å besøke eit bibliotek i kvar by. Øvst ser de byngninga inn til Metropolitan Ervin Szabó Library. Det er ikkje lov til å ta bilete inne i biblioteket, men gurimalla, så vakkert det er der! Flotte lysekroner, vindeltrapper, leseplassar i gamle dansesalar og lesekrok med peis tatt rett ut frå Galtvort. Sukk. Tenk å ha det som arbeidsplass, kvar dag. Måtte berre ta eit lite bilete av trikken fordi eg diggar fargen og eit bilete av kulturhuset, for sjekk ut det kule glastaket!
2 fine tankar - legg igjen noko fint du også
Jeg skulle ønske vi hadde sånne fancy, fine, flotte bibliotek i Norge også. Ok, nå høres det ut som om at alle bibliotekene vi har bare er kjipe, men det er vel fåtallet som ligger i staselige bygninger. Men sånn er det kanskje i Budapest og andre byer med flotte bibliotek også; noen er skikkelig staselige, mens andre kanskje ikke er like staselige. Vi har i det minste bibliotek, hehe ;)
Synes det har vært veldig fint å få sett bilder fra turen deres! Så mange spennende og fine steder dere har vært innom. Virker som turen var meget vellykket! ^^ God helg <3
Er så glad for at me har bibliotek, men er så einig – tenk om me hadde fleire bibliotek her i landet som i gamle bygg med leseplass foran peisen <3 Veldig kjekt å høyre at du synest det har vore fint å få ta ein titt på turen vår. Å reise med tog rundt i Europa er noko eg absolutt kan anbefale :D God helg til deg også ^^
Legg igjen ein fin tanke