17. feb. 2016

"Holding Patterns"



Endeleg! Førre veke kom det nyaste albumet til Laurence Fox i posten. Holding Patterns er det fyrste albumet til Fox (han gav ut EP-en Sorry For My Words i 2013). Sjølv om eg hadde høyrt dei aller fleste av songane før på Soundcloud, var eg aldri i tvil om at eg skulle kjøpe dette albumet. Songane er spelt inn på ny med anna instrumentering og litt anna lyd, så på ein måte er det nesten som å høyre dei på ny, og jepp, eg er blitt veldig glad i det albumet allereie! Det er nesten fire år sidan eg fyrste gong høyrde Fox syngje, og sidan den gong har eg høyrt på musikken hans jamt og trutt. Då eg skulle tinge albumet hans, valde eg å kjøpe eit signert postkort ved sidan av den signerte CD-en, og kortet heng no så fint på kjøleskapet her hos oss. Vanskeleg å plukke ut ein song som skil seg ut, eg liker dei alle saman, men eg legg ved musikkvideoen til "Rise Again". Det er eit eller anna med stemninga og melodiføringa i songen, samstundes som teksten er veldig fin. Stemmen til Fox er heilt eigen og nydeleg (som nemnt for nesten fire år sidan), og det er jo dette som er hovudgrunnen til at han er ein av mine favorittartistar. No skal det seiast at eg også er fan av krimserien Lewis der han spelte ei av hovudrollene, men musikken hans er likevel noko eg varmt anbefaler de å lytte på. Eg veit i alle fall kva eg skal høyre på når eg skriv dei neste vekene ;)

2 fine tankar - legg igjen noko fint du også

tea sa...

Takk for tips! Hørte litt på Rise again, og nå måtte jeg søke Laurence Fox opp på Spotify. Fin musikk! Flott stemme han har!

Silje sa...

Så utruleg kjekt å høyre, Ida! :) Alltid fint med tips til ny musikk, og ja, stemmen hans er veldig flott! ^^

Legg igjen ein fin tanke