Frå blekkboks til pennehaldar på 1-2-3

Me hadde ikkje blekkboksar hengande bakpå bilen då me nettopp var blitt vigd, men ein kan jo bruke slike boksar til omtrent kva det skal vere. Her om dagen fjerna eg etikettene på to boksar som me hadde ståande, vaska dei grundig, og så var det fram med ein serviett, litt tjukt pyntepapir, saks, pensel og decoupagelim. Smurde på med lim og rulla den eine boksen på papiret og den andre på servietten. Vips! To stilige haldarar til pennar, tusjar og blyantar. Eg prøver å få til ein fin arbeidskrok med tanke på all skrivinga som kjem dei neste månadane, og då hjelper det litt med gjenbruk, fine fargar og ein kul notisblokk. Prøvde også å lage ein slik liten geoball til småting som viskelêr og blyantspissarar, men eg skal nok bruke litt tjukkare papir om eg vil lage nokre fleire.