Berre ei veke att av årets fyrste sommarmånad, berre ei veke att av årsvikariatet ved Vitenfabrikken. Eg veit enno ikkje kva som skjer vidare, prøver jo å finne meg ein relevant jobb, men me får sjå. Desse dagane har vore fylte med rolege og samstundes kjekke dagar på jobb, ordentleg sol og sommar, lesing om kveldane for å prøve å roe hjernen og eg har byrja på eit nytt strikkeprosjekt. I går fekk me gjort unna ein del ærend før ein roleg kveld, og i dag var me to og broremann ute på ein herleg gåtur langs kysten. Er vel snart senga for vår del, fyrst ei liste omtrent midtvegs i 2023:
✦ i fjor las eg The Love Hypothesis og digga den, digga også Love on the Brain av same forfattar
✦ kvardagsglede i å ha på sommarkjole, berre leggar og ei kjekk bok i fanget
✦ hagefest tysdagskveld hos ein kollega med fine folk, mykje god mat og fargerike kaker
✦ "Top 10 Broadways Songs That Make You Happy Cry" – mange gode songar i denne lista
✦ helse på ein kjempenusseleg hund på jobb
✦ svinse i det grøne graset med ein prikkete sommarkjole
✦ gå ein sundagstur i finvêret ute ved Tungenes der me mellom anna trefte på kule sauar
✦ juniblomar på veg til jobb fleire av dagane
✦ ein katt som helser på eit piggsvin, ein supersøt klassikarpå YouTube
✦ tøff bok om Albania før og etter sosialismen: Fri av Lea Ypi
✦ soloppgang langs fjorden, sett frå togvindauget (blir aldri lei den utsikta)
✦ byrje på eit nytt strikkeprosjekt, nok ein gong med garn frå Oslo Mikrospinneri
✦ sollyset som skein gjennom klinkekuleveggen
✦ oransje grøftekansblome
✦ heimelaga scones, appelsinmarmelade og kaffi frå ein finfin termos på sundagsturen
✦ bittersøtt å sjå den siste episoden av Great Canal Journeys med Tim og Pru i førarsetet
✦ kjøpe garn i herlege fargar til ein sommarleg topp
✦ som eg har kost meg med å lese The Princess Bride, og eg klagar aldri på ein god cappuccino
Legg igjen ein fin tanke