8. feb. 2013

Årets NM for brassband

Då var det gjort! Me har nettopp vore i Grieghallen og spelt stykket "The Present Age" i tredje divisjon i årets NM for brassband. Og det gjekk bra. Eg er veldig nøgd! Men før dagen i dag, var det ein lang dag i går med både skule, bussing til og frå flyplass, flytur og øving på kvelden før me fekk lagt oss til å sove. På skulen hadde me mykje om substantivbøyinga i norrønt i alle moglege former. Mykje som skal fordøyast, men det er då det er greitt at me får oppgåver som me skal jobbe med i grupper. Skjønte litt meir etter å ha jobba med desse oppgåvene. Etterpå åt me middag på skulen, og rett rundt klokka fire tok me bussen til flyplassen. Måtte krangle litt med Norwegian pga. instrumentet mitt, men eg fekk utruleg nok tatt det med meg som handbagasje (dei skulle ha trehundre kroner ekstra for å sende det som vanleg bagasje, sjølv om eg hadde betalt for eit kolli allereie. Eg gjorde nemleg det i fjor utan noko problem. Ja, ja...). Kom oss vel fram til Bergen, og hadde ei fin øving før det var tid for å sove litt. Noko av det beste med å bu på hotell, er frukosten. Mykje å velje mellom, og ein går ikkje derifrå sulten ;) Elles har me tatt det med ro, høyrt litt andre korps på TV2 Sumo, og me hadde ei lita øving før me skulle på scenen. Resultatet får me ikkje vite før i morgon, så nå får me berre vente og sjå. Kvelden skal i alle fall nytast! :)

2 fine tankar - legg igjen noko fint du også

Moder'n på Møre sa...

Så på dere! Syns dere var flinke, jeg, men dere kunne holdt på noen minutter til :-) 11 min. er vel litt kort? Så håper vi på en pen plassering.
Så jo selvfølgelig også "han fine" og broder'n da de kom inn og satte seg - artig med slik moderne teknologi! Slikt var jo utenkelig bare for få år siden - at dere er i Bergen,og så sitter vi her langt vekke og ser dere på Pc-skjermen!
Så blir det å se på 1.div. i morra, og en spennende premieutdeling om kvelden!

Silje sa...

Såg dei satt der i salen, ja. Veldig kjekt å spele og etterpå føle seg nøgd (så får me sjå i morgon korleis plasseringa blir). Og så er det artig at de kan høyre på oss heime i stova :D

Legg igjen ein fin tanke