Gjensyn med Kiel

I motsetnad til det gode solskinet her i dag, var det regn som datt ned då me var i Kiel ein sein julidag i fjor. Me hadde eit par timar i byen mellom frukost og ferjeavgang, og som førre gong me var der, traska me litt rundt i sentrum utan å ha ein plan. Me fann den kjekke butikken 's Fachl Kiel der me kjøpte ein liten suvenir til oss sjølv og nokre smågåver, og sjølv om det ikkje var lenge sidan frukost, stakk me innom ein kafé der me delte ein belgisk vaffel og drakk cappuccino. 

 

Og så var det den der Kiel-ferja. Synest framleis den er litt grell med neonlys overalt og ei eiga handlegate, men pyttsann, den tar oss no dit me ønskjer. Åt middagsbuffé, og som dei vanedyra me er, gjekk me tibake til lugaren, såg ein Heartbeat-episode og las i bøkene til me sløkte lyset.