Marble Sweater frå PetitetKnit, eg fall for den med ein gong eg tilfeldigvis såg den på Instagram, akkurat slik det var med kjolen frå Augustin. Genseren skal bli strikka med tjukke garn på tjukke pinnar og er dimed meir enn noko anna ein ordentleg varm og god vintergenser. Med andre ord er det ikkje heilt sesong for denne genseren no, men eg innrømmer at eg byrja å leite etter garn med ein gong, i tankane mine visste eg akkurat kva farge eg skulle ha. Og den fann eg hos Strikkefeber, og garnet er håndfarga Fat Mohair. Eg har allereie prøvestrikka mohairen i lag med garn nummer to, og valet fall på ein eggekvit farge i Naturgarn frå Viking Garn. Kanskje kjem eg til å strikke litt på denne genseren i påska, for når garnet er så fint, er det vanskeleg å berre la det liggje. Men det som er sikkert, er at "Påskelabyrinten", quiz, litt hytteliv og fleire krimbøker ventar.
2 fine tankar - legg igjen noko fint du også
For et fint garn!! Jeg fikk nesten litt sånn 80-talls følelse ;)
Garnet er supert, og eg skjønner litt kva du meiner med 80-talskjensle ;)
Legg igjen ein fin tanke