28. juli 2019

Vestlandsk sommar

Måndagen var grå medan det dei siste dagane har vore sol, knallblå himmel og over tretti gradar. Med andre ord har me hatt ein typisk vestlandsk sommar den siste veka, hi, hi. I år valde me å unngå Gladmatfestivalen både på grunn av det himla varme vêret, men også på grunn av folkemengda. Kan fort bli litt for mykje av det gode sjølv om det på ei anna side er kjekt å oppleve liv og røre innimellom også. På jobben har det vore både mange og få badegjestar innom, litt forskjellig frå dag til dag, alt etter vêret (er det veldig fint vêr, vel nok dei fleste å bade i sjøen eller i utebassenget på Gamlingen). Lesinga har gått strålande også desse dagane, ingenting er kjekkare enn å slappe av med ei finfin bok. Om ikkje så lenge er det nok ein gong måndag og med det ei ny arbeidsveke. Under ei veke igjen til me reiser på ferie, så eg skal ikkje klage. Som nemnt i innlegget på fredag hadde me ingen planar i helga, me har slappa av ute på balkongen og inne i sofaen då det blei for varmt, ein liten tur opp til Vålandstårnet i dag, sett på kulaste QI og me har lese i kvar vår bok. Senka skuldrene. Eg set pris på slike helger. Veka mi kort oppsummert i ei liste kjem no:

✦ lese ute på balkongen i det heilt fantastiske sommarvêret
✦ synest det var så mykje fint i dette innlegget inne hos Et katteliv
✦ sykle i morgontåka, det er jo nesten litt mystisk
✦ ny sesong av Victoria er ute på NRK Nett-TV
✦ tur opp til Ullandhaug med fine prestekragar, gode bringebær og kule sauar
✦ kor søt er ikkje dette lille dovendyret?! ;)
✦ kaffi og bok inne då det regna og var grått ute tidleg i veka
✦ lage knallgod bringebærmilkshake av dei bringebæra me kjøpte på den lokale garden
✦ endå ein søtnos, for koalaane er også veldig nusselege
✦ Nye språk i Norge, interessant å lære meir om språka som blir snakka her i landet
✦ hihi, måtte sjå den fyrste episoden av Good Omens om igjen, for den humoren og dei karakterane
✦ like fint kvar gong å sjå sola skine inn i oppgangen vår
✦ nokre fun facts om den andre filmen i Harry Potter-serien
✦ ein katt som eg har sett nokre gongar no foran ein Coop-butikk, trur den koser seg i sola
✦ passe på ein fin førarhund medan eiaren var inne og svømte
✦ boka Eg får aldri sjå verda igjen er ei sterk historie eg varmt anbefaler til alle
✦ Jonna som nettopp har gifta seg og som viser litt av dagen her
✦ villblomar i flotte fargar i nærleiken av Vålandskogen
✦ tok ein ny veg då eg sykla til jobb og såg dette fine sennepsgule huset

2 fine tankar - legg igjen noko fint du også

Ida sa...

Så fint at du likte det innlegget Silje ;) Victoria er en veldig bra serie, elsker det blomsterbildet, og for et nydelig lite dovendyr. Og så heldig du var som fikk passe på den fine førerhunden ♥ Jeg jobbet noen år i Blindeforbundet, og da ble jeg kjent med mange fine førerhunder. De er så fine i personligheta ;)

Silje sa...

Å, så tøft å kunne jobbe ei stund i Blindeforbundet, ser for meg at du blei kjent med mange fine førarhundar :) Slukte "Victoria" (den nyaste sesongen) før me drog av arde på ferie, og eg synest den er kjempefin og veldig bra. No er det kvelden her, ønskjer deg ei riktig flott helg ♥

Legg igjen ein fin tanke