27. apr. 2014

Topp 5 – kjekke fotominne frå april

Kjempekjekk kveld i går med ein god gjeng frå brassbandet! Å høyre, og så klart sjå, Mnozil Brass live var noko eg heilt ærleg må innrømme at eg var litt skeptisk til. Humoren deira er i mine auge litt småklein til tidar. Men eg lo og hadde det moro, og at det går an å spele så sterkt med like mykje intensitet i to timar – eg bøyer meg i støvet! Skulle ikkje tru at dei "berre" er sju stk. Her kan ein sjå mykje av det dei har å by på, blant anna "trekkoppversjonen" av "Edelweiss" (ein time og trettito minutt ut i videoen). Kanskje for spesielt interesserte, men dyktige er dei uansett! No byrjar april å nærme seg slutten, og på torsdag er det plutseleg mai. April har vore ein kjekk månad med både det eine og det andre, og under kjem mine topp fem kjekke fotominne i frå april:

1) plutseleg finne små gåver eg fekk av han der fine - og dei fekk eg då eg gjekk på folkehøgskulen, lang ute i "øydemarka". Tenk, det er allereie fire år sidan...

2) Les Misérables på bursdagen min - å ta på meg prikkekjolen, raud leppestift og feire bursdagen min med ein musikal, er nok verkeleg eit av høgdepunkta i april!

3) leike med tantebarna - tre fine ungar med mykje energi, og med det blei det ein god del leiking. Eg synest berre det er kjekt sjølv om eg til vanleg ikkje leikar med Duplo eller legg puslespel på 200 bitar. Å vere tante er ein fin ting :)

4) finne lekre bruktskattar - å gå rundt i ein bruktbutikk og plutseleg komme over noko ein har leita lenge etter, det er ei herleg kjensle, det. Og når det altså er brukt og koster mykje mindre enn å kjøpe det nytt, er det jo berre endå betre!

5) sjå rosa, gule, kvite blomar på trea - eg veit ikkje kva det er, men å sjå fine blomar som heng over meg, er berre så fint, eg blir rett og slett ordentleg glad!

2 fine tankar - legg igjen noko fint du også

Moder'n på Møre sa...

Så kjekt at du liker å være tante :-) Såkalt "filletante" nå i første omgang, for det blir vel en stund før du blir biologisk tante, kanskje.... Det er også kjekt å bli bestemor til denne flotte gjengen, det skal være sikkert! Og både du og onklene så ut for å bli akseptert ganske fort - ser ut for at leiken er en god kontaktskaper :-) Må jo forresten opplyse om at den båten på bildet med to "personer" oppi er en arv etter "han der fine" :-) Godt den kom til nytte igjen...!

Silje sa...

Me har også ein heil haug med Duplo liggande heime, noko som me leika mykje me då me var små :)

Legg igjen ein fin tanke