Fastelavnsbollar i fleire variantar. Okei, i to variantar, men det heldt for oss sidan me berre var tre personar: broremann, min betre halvdel og meg. I år ønska me å prøve den svenske varianten semlor i tillegg til vaniljekremvarianten (eg vil heller ha det enn vanleg krem). For dei som lurer på kva fyll ein har i semlor, er det eit slags mandelfyll. Ein greiv ut litt av bollane, blandar det i lag med mandelfyll, me gjorde det enkelt med marsipan, og litt varm mjølk. Fyllet skal så på plass i bollane, for etter å ha grave ut litt av innmaten, er det jo eit halvstort hol i kvar bolle. Til slutt legg ein på litt piska kremfløyte og voilà – svenske fastelavnsbollar! Me inviterte som nemnt broren min hit, og me åt eit par bollar kvar og drakk heimelaga kaffi latte før me drog fram spelet "Dominion".
Legg igjen ein fin tanke