24. apr. 2015

Leseglede

I går var det verdas bokdag, og sjølv om eg er ein dag på etterskot, vil eg likevel ta fram og vise ei bok som har gitt meg mykje glede dei to siste vekene. Krim er kanskje ikkje den sjangeren som får deg til å tenkje i mange dagar etterpå, men av og til, sånn særskilt når ein har mykje å gjere (til dømes eksamen, bryllaupsplanlegging og jobb), så er ein på jakt etter noko ein kan lese utan å bry hjernen for mykje. Slik fungerer no for meg. Ikkje alle skriv like bra, ikkje alle klarer å halde spenninga opp, men nokre forfattarar kan det med å skrive så spennande at ein berre må lese litt til, litt til og endå litt til. Når gjøken galer er ei slik bok. Vanskeleg å forklare akkurat kvifor eg likte den så godt, for den er ikkje Agatha Christie-original, men likevel. Eg trur eg fall for karakterane og skildringa av personane, for eg kunne verkeleg sjå dei for meg. Har allereie reservert den neste boka i serien om privatetterforskaren Cormoran Strike. Og så er det jo litt ekstra kjekt at boka er skriven J.K.Rowling, forfattaren bak Harry Potter-universet :) Er no ferdig med krimboka, så i kveld, på senga før me sovnar heilt, kjem eg nok til å lese vidare i bok seks i det magiske universet.

2 fine tankar - legg igjen noko fint du også

Kake sa...

Så fint! Jeg har ikke fått lest boka enda, men er sikker på at jeg kommer til å like den når jeg først setter i gang :)

Silje sa...

Har reservert nr.to i serien på biblioteket ("Silkeormen" heiter visst den), så eg ventar i spenning! :)

Legg igjen ein fin tanke