4. jan. 2015

Ferien er over, og i morgon ventar skulen igjen...

Fyrste sundagen i det nye året, og eg vel å fortsetje med å dele sundagslister. Synest det er ei fin måte å oppsummere vekene på, både på kva fint som har skjedd i løpet av veka, kva eg gleder meg til dei neste vekene og kva kjekk inspirasjon og andre fine saker eg har komme over nettet. I dag har det blitt meir mekking på bryllaupsinvitasjonane, me var ute og gjekk ein tur, me har slappa av og me har begge to øvd litt på instrumenta våre. Ei fin og roleg helg nærmar seg slutten, og i morgon byrjar skulen for fullt. Eg veit at dette semesteret kjem til å gå så fort med pensumlesing, orkesterøvingar og ikkje minst bryllaupsførebuingar :) Her er mi fyrste sundagsliste i 2015:

✦ feire nyttårsaftan med den beste gjengen
✦ danse eit par valsetrinn i stova
✦ at det blir ein sesong to av den britiske krimserien Broadchurch
✦ nydeleg papirklippekunst
✦ tenk å få eit så fint sjal i julegave av ei kjempegod veninne. Ja, det var nettopp det som skjedde på julaftan; for ei gåve og tusen takk, du veit kven du er ;)
✦ ha eit av våre fine venepar på besøk
✦ "Around the clock on an Advent Sunday" – fine bilete og kjekt innlegg hos Et dryss kanel
✦ fortsetje med å lese Harry Potter-bøkene
✦ stilig tapet på eit enkelt kjøkken
✦ at me neste helg sit på toget på veg til Oslo for å besøke kjente og for å sjå Billy Elliot
✦ desse tipsa skal eg prøve å hugse på til neste nyttårsfeiring
✦ ete nybakt brød med gulost på
✦ søt kattunge med garnnøste, ein mammakatt som passar på kattungen sin og sengetid for ein søt, liten hamster
✦ orkesterøving på tysdag
✦ "Det er tid for å rusle" – eit innlegg om lykke og stress som dei fleste bør lese
✦ fortsetje å sjå gamle filmar (40-, 50- og 60-talet), og i går var det den vittige On the Town. Og eg seier "ja" til meir stepping og "showstoppere" i filmar no til dags!

Legg igjen ein fin tanke