"Nå har vi vaske golvet og vi har børi ved, og vi har sett opp fuggelband og vi har pynta tre'." Nei, me har nok ikkje komme så langt her i heimen, men me er i gong. Og då eg var innom biblioteket på tysdag, såg eg at dei hadde pynta så fint og laga eit slags juletre. Eg synest det er kjekt at det går an å pynte litt alternativt sånn i blant (men her heime skal me pynte eit vanleg, fint, grønt juletre på lille julaftan). Elles så er kjærasten her på besøk, men i morgon reiser han heim til sin familie på Sunnmøre der han skal feire jul. Ingen av oss vil gi slipp på å feire ein tradisjonell jul saman med våre familiar. Så sjølv om eg så gjerne ville hatt han her med oss i jula, så skjønner eg godt at han vil heim til sin eigen familie og feire jul saman med dei :) I går då alle hadde komme heim og fått i seg litt middag, tok me alle i eit tak på kjøkkenet og bakte peparkaker. Og som alltid smakte deigen mykje betre enn dei ferdigsteikte peparkakene ;) Litt artig er det jo å stå der med mel overalt, deig på fingrane og god lukt i frå ovnen. Blir ikkje heilt lei alle førebuingane til jul. No blir det snart puslespellegging her. Hygge!
2 fine tankar - legg igjen noko fint du også
Tusen takk for at vi får låne godgutten din av og til :-)) Og nei, jula hadde nok ikke blitt det samme her i huset heller, om lisjeguten vår uteble!
God jul til dere alle der sør!
He, he! God jul til alle dykk der oppe også! :)
Legg igjen ein fin tanke